Yohane 19:11 - Chipangano Chabwangu

¹¹ Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Yohane 19:11 Referans Kwoze

Loma 13:1

Umuntu onse alingile ukumfwila intungulushi shabuteko. Pakuti tapapo umuntu uukwete ubutungulushi ubushafuma kuli Lesa. Echo intungulushi ishilipo ni Lesa uwashibika.

Yohane 3:27

Yohane alyasukile ati, “Takupo umuntu uwingakwatapo akantu, sembi Lesa amupela.

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Yohane 7:30

Elo abantu bafwayile ukumwikata, kuntu tapalipo nangu umo uwamwikete pakuti inshita yakwe yali tayilafika.

Yemusi 1:17

Ichabupe chonse ichiweme nechakufikapo chifuma kumulu kuli Lesa, katala wamfilya ifisanika kumulu. Ye taalukapo, elo ukusanika kwakwe takwaalukapo kubati chimfule.

Mateyo 6:13

Mwitulekelesha mukwesheka, kuntu mutupokeko kumubi.’

Yemusi 4:17

Echo umuntu onse uwishibile ifyo alingile ukuchita, elo tafichitapo, alabifya.

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

Imilimo ya batumwa 4:28

Bakumene ukuchita ifyo webo wapangile kale ukupitila mufiso nobufwayo bwako ukuti fichitike.

Mateyo 27:2

Bakakile Yesu nokumutwala kuli Pilato, kateka wabena Loma.

Maliko 14:44

Uwakwembula Yesu alibapele kale ichishibilo ati, “Uyo nkoya kufyomfyonta, eye enka. Mumwikate, mumutwale nokumusunga bwino.”

Yohane 18:3

Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.

Yohane 9:41

Yesu alibasukile ati, “Nga mwaba impofu, nga tekuti mukwatepo umulandu, kuntu apo musosa ukuti, ‘Tulabona,’ mwalikwata umulandu.”

Luka 22:53

Inshiku shonse nalikwikala namwebo nkosambisha munanda yaku Lesa, nokuti munjikatepo, yii. Nomba nji enshita yenu nakambi iyafiso fyamfishi.”

Mateyo 26:65

Penkapo chipupila mukulu alepawile insalu shakwe nokuti, “Mulandu ndo tukofwayila nabakamboni bambi? Asalula Lesa. Nomba mwayumfwila mwebene umusalula.

Yohane 18:13

Pakwamba bamutwite kuli Anasi, wishi-fyala wakwa Kayafasi, uwali chipupila mukulu muli ngulya mwaka.

Yohane 19:10

Elo Pilato asosele kuli Yesu ati, “Nindo utakoyasukilapo? Taukoyishibapo ukuti ndi nensambu ishakukukakula neshakukusamika.”