Yohane 17:22 - Chipangano Chabwangu

²² Ukubati nimfilya mwanchinshika, nandibo nkobachinshika ukuti babe umo ukubati nimfilya nafwe twaba umo.

Yohane 17:22 Referans Kwoze

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Yohane 1:16

Mubwanshi bwakwe ubukulu fwebo tulapokelela ishuko mufinji.

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

1 Yohane 3:24

Umuntu onse uulama amafunde yakwe ayikala muli Klistu naena muli Ye. Tulishibile ukuti Klistu ayikala muli fwebo pantu alitupa Umupashi Wabuta.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Maliko 6:7

Elo Yesu ayitile abakusambila bakwe ikumi na babili. Atatikile nokubatuma babili-babili. Alibapele insambu ishakutamfishako mipashi iibi.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Luka 22:30

Mwakwisa kunwa nokulya petebulu lyanji mu Bufumu bwanji. Elo mwakwisa kwikala pafipuna ifyabufumu nokupingula pamikowa ikumi na ibili ya Baisilaeli.

Ukufisulula 21:14

Ichibumba chamusumba ngu chayimekwe pamifulwa yamabwe ikumi na abili apo apalembelwepo amashina yabatumwa ikumi na babili abaku Mwana wambelele.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

Loma 8:30

Echo abo Lesa asalile ebo ayitile. Elo abo ayitile, akubalungamika. Nakambi abo alungamika, ebo aakene umuchinshi.

1 Yohane 4:17

Ukutemwa kwesu nga kwaba ukwafikapo, ekuti ubumi bwesu pano chalo bwakubati bwaku Klistu. Elo tukakwata ukushipikisha pakasuba kabupingushi.