Yohane 15:21 - Chipangano Chabwangu

²¹ Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Yohane 15:21 Referans Kwoze

Mateyo 10:22

Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.

Yohane 16:3

Abantu bakuchita mfi kuli mwebo pantu tabayishibapo Bata nangu nebo.

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

Mateyo 24:9

“Abantu bamitundu yonse bakumusula pamulandu wanji.

Mateyo 10:18

Bakumutwala kubapingushi nakumfumu pamulandu waku nebo. Elo mwakunchitila bukamboni kuli bo nakubenafyalo.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Ukufisulula 2:3

Nalishiba ukuti walitekanya, walichula pamulandu wakunebo, elo tawanenukapo.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 2:8

Tapapo bakateka banchino chalo abayishibe umulangwe ngu. Nga balishibile, nga tabasamikilepo Bashikulu ababuleme pamutashi.

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Imilimo ya batumwa 17:23

Pantu ulo ndepitana mumushi wenu, nokubona umo mulombelamo, nabona ichipupililo chimo apalembwa ati, ‘Kuli Lesa uutayishibikwa.’ Kanshi ngu mulomba mukuteshiba, eye nebo nkofwaya ukumulondwelelako.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

Imilimo ya batumwa 3:17

“Mwe bawesu ndishibile ukuti mwebo nentungulushi shenu pamo mwachitile mfi kuli Yesu mukuteshiba.

Yohane 8:54

Yesu alibasukile ati, “Nga nebo nkoyichinshika nemwine, umuchinshi wanji wabwaka. Bata ebanchinshika nebo, abo mwebo mukoti e Lesa wenu.

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Mateyo 10:39

Onse uufwaya ukupulusha ubumi bwakwe, ewakubuposa, nowakuposa ubumi bwakwe pamulandu wanji, ewakubupulusha.

Mateyo 5:11

“Mwalishuka mwebo ulo abantu bakomusuula, bakomuchusha, bakomweba ifibi fyonse nokumubepesha ubufi pamulandu wanji.

Maliko 13:13

Ukuba abantu bonse bakumupata pamulandu wakuti muli bantu banji. Nomba uyo uwakushipikisha ukufikila kumupwilo, ewakupuluka.

Luka 21:12

Ulo mfi fyonse, fitalachitika, bakumwikata nokumuchusha. Elo bakumutwala mukupingulwa mumananda akulombelamo Lesa, nokumuposa muchifungo. Bakumutwala kuli bakateka nabapingushi pamulandu wanji.

Luka 21:17

Bonse bakumupata pamulandu muli bantu banji.

Yohane 8:55

Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Imilimo ya batumwa 4:17

Pakuti umulandu wilundulukilako kubantu bonse, nomba katubatinye bwaka ukwebati belokusosapo mwishina lyaku Yesu kumuntu onse.”

Imilimo ya batumwa 9:14

Elo ayisa namuno Damasikasi nobuleme ubo afumya kuntungulushi shabachipupila ukuti akake bonse abalombela mwishina lyenu.”

Imilimo ya batumwa 26:9

“Ukuba nandibo kumo akale efyo nalikulanguluka ukuti ninsuminisha nangu panini amashiwi aku Yesu waku Nasaleti.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

3 Yohane 1:7

Pantu ulo bayimine mubulwendo lwabo lwakubombela Klistu, tabasuminishe ukuti bafwilishiwe nabakunse.