Yohane 15:11 - Chipangano Chabwangu

¹¹ “Mfi fintu nasosa namwe ukuti ukusekelela kwanji kube muli mwebo, nokuti ukusekelela kwenu kupitilile.

Yohane 15:11 Referans Kwoze

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Yohane 17:13

Nomba nkoyisa kuli mwe. Nangu chibe mfi, nkososa mfi fintu ulo nchili muchalo ukuti basekelele ukubati nimfilya nasekelela.

Yohane 16:24

Inshita yapitapo tamwafumbilepo kantu mwishina lyanji. Fumbeni, elo mwakupokelela ukuti ukusekelela kwenu kube ukwafikapo.

1 Yohane 1:4

Twalemba mfi ukuti ukutemwa kwesu kube ukwafikapo.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

2 Yohane 1:12

Ndikwete ifinji ifyakusosa namwebo, kuntu nshamulembelepo muli kalata nji. Nkofwaya ukumutandalila ukuti nkese sosa namwebo pakanwa, tukatemwe ukwinekantu.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

2 Kolinto 1:24

Tekwebati tukofwaya ukumupatikisha ifyo mulingile ukuchetekela. Ukusosa pachichetekelo chenu, muli abakosa ndi. Ulo tufwaya ukwafwilishanya namwe kwebati mube abasekelela.

1 Tesalonika 5:16

Mulokusekelela lonse.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Luka 15:9

Ulo ayisanga, akwita ifibusa nabena mupalamano bonse, nokusosa kuli bo ati, ‘Ndi nokusekelela ukukulu pantu nayisanga indalama yanji iyalubile. Iseni tusekelele pamo!’

Filipi 1:25

Ukwambula ukukayika, ndishibile ati ndinokwikalapo. Nakupitilila ukwikala namwebo bonse, ukumwafwa pakuti ichichetekelo chenu chikulileko, elo chimupeleko ukusangalala ukuchila akale.

Efeso 5:18

Mwikolwapo nawaini, pakuti mwakonaika bwaka. Nomba mwiulemo no Mupashi Wabuta.

Yohane 3:29

Uyo uukoupa emwine wabwinga, kuntu chibusa wabwinga emakanina bwaka nokukutika, nokusekela pakumfwa ishiwi lyawabwinga. Kanshi nku ekusekela kwanji ukwakufikapo.

Luka 15:5

Ulo ayisanga, akusekelela nokuyipinta pamabeya akwe,

Luka 15:23

Elo muye mukalete umwana wang’ombe uwanona nokwipaya, tulye tusekelele!