Yohane 15:10 - Chipangano Chabwangu

¹⁰ Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 15:10 Referans Kwoze

Yohane 14:15

“Nga mwalintemwa mwakulama amafunde anji.

1 Yohane 5:3

Pakuti ukutemwa Lesa kulama amafunde akwe, namafunde akwe tayakoselepo iyowo.

1 Yohane 2:5

Lelo uukonka amashiwi akwe engulya ukutemwa kwaku Lesa kwabamo ukwapwililika. Muli nji nshila, emo twishibila ukuti twaba pamo na Lesa.

2 Petulo 2:21

Nga chaliweme kuli bo nga chakuti tabayishibilepo inshila yalungama ukuchila ukwishiba elo panuma basuula ifunde lyabuta Lesa abapele.

Yohane 8:29

Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 14:31

Ichalo chikowamina ukwishiba ukuti nebo nalitemwa Bata, echo nchitila ifintu fyonse ukulingana nomo bansambishisha. “Imeni nomba, tulokuya.

Yohane 12:49

Nchi chakwebesha pantu nshiyisosela ifyaku nebo nenka, kuntu Bata abantumine ebansambishe ifyo nsosa.

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.

Yohane 14:21

“Uyo onse uupokelela amafunde anji nokualama, ewantemwa. Bata bakumutemwa umuntu onse uwantemwa, nandibo nakumutemwa nakambi nokuyifisulula nemwine kuli ye.”

1 Kolinto 7:19

Ukushilimunwa nangu ukutashilimunwa takwalulapo kantu. Ichikulu kulama Amafunde aku Lesa.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

Yohane 8:55

Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

Yohane 10:18

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

1 Yohane 2:3

Nga twakonka amafunde aku Lesa, ekwebati twashininkisha ukuti tulimwishibile.

1 Yohane 2:6

Uuli onse uusosa ukuti ali mwisenge na Lesa, alingile ukwikala ukubati nimfilya Yesu Klistu ayikele.