Yohane 14:12 - Chipangano Chabwangu

¹² Nachine nkomweba ati, uyo onse uwachetekela muli nebo akwisa kuchita imilimo iyo nebo nkochita. Ina, akwisa kuchita imilimo iikulu nokuchishapo, pantu nkoya kuli Bata.

Yohane 14:12 Referans Kwoze

Mateyo 21:21

Elo Yesu abasukile ati, “Nachine nkomweba ati, kati mukochetekela nokutakayikapo, tamwakachite bwaka nchi chachitika kumukunyu ngu iyowo, kuntu mungasosa nakulupili ndu mwati, ‘Fuma mpa, uye uyipose muli bemba,’ nacho chakuchitika.

Maliko 16:17

Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji,

Imilimo ya batumwa 16:18

Alikuchita mfi panshiku ishinji kufikila ulo Paulo chamukalipile. Elo aalyalukile nokweba umupashi uubi ati, “Mwishina lyaku Yesu Klistu, nakweba ati ufume mumwanansungu ngu!” Penkapo umupashi uubi walifuminemo muli ye.

Imilimo ya batumwa 9:34

Petulo asosele ati, “Eneyasi, Yesu Klistu akuposha. Ima wansule impasa yobe.” Bwangu-bwangu Eneyasi alimakana.

Imilimo ya batumwa 19:12

Abantu nga bapinta akatambala nangu insalu imbi iyali kubomfya Paulo nokutwala kubalwele, nabalwele balikupola. Ne mipashi iibi yalikufumamo mubantu.

Imilimo ya batumwa 9:40

Nomba Petulo abapapatile ukuti bafumine panse. Penkapo alifukeme nokulomba. Elo apilibukile kuchitumbi nokuti, “Tabita buka!” Naye alishibatwile amenso. Ulo abwene Petulo, alikele nokwikala.

Imilimo ya batumwa 8:7

Elo alikufumya imipashi iibi mubantu abenji. Yalikwaula namashiwi aakulu, ifite nefilema ifinji fyalikupola.

Imilimo ya batumwa 5:15

Pakubona mfilya, abantu balikuleta abalwele abenji nokubalalika pamalili napampasa mumbali yamusebo ukuti ulo Petulo alikupita, ichinshingwa chakwe chibakumye.

Imilimo ya batumwa 2:41

Echo abenji balyumfwile nokuchetekela amashiwi akwa Petulo, elo balibatishiwe penka pakasuba nkalya. Kubati amakana atatu ebalundilweko kubantu abachetekela.

Imilimo ya batumwa 4:4

Nomba abantu abenji abaumfwile nokuchetekela amashiwi akwa Petulo na Yohane, impendwa yabalalume abachetekele yali kubati makana asano.

Yohane 16:7

Nachine nkomweba ati, kuli mwebo chiweme ukuti mfumepo mpano, pakuba nga nshifuminepo, Umwafwilishi tayise kuli mwebo. Nomba nga naya, nakumutuma kuli mwe.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Yohane 7:33

Nomba Yesu asosele ati, “Nakuba nenu pakanshita kanini bwaka, elo nakubwelela kuli Ye uwantumine.

Loma 15:19

mufiso ifikulu nefyakushimbwisha, elo namufiso ifya Mupashi Wabuta. Echo nalishimikile Ubutumi Bwawama ubusosa pafyaku Klistu konse nalikuya, ukutatikila mu Yelusalemu ukufikila naku Ililikumu.

Imilimo ya batumwa 6:7

Elo amashiwi aku Lesa afikile konse-konse, nempendwa yabena Klistu yalikukulilako mu Yelusalemu. Nabo bachipupila abenji balichetekele.

Imilimo ya batumwa 4:16

ati, “Mba bantu tubachite shani? Abantu bonse muno Yelusalemu balishibile ichakushimbwisha icho bachitile. Elo nafwebo tekuti tukanepo iyowo!

Yohane 14:28

Mwalyumfwa ifyo nasosele kuli mwe ati, ‘Nkoya nebo, kuntu nakubwela kuli mwe.’ Kati mwalintemwa, kuti mwasekelela pantu nkoya kuli Bata. Pakuba Bata bakulu ukuchila nebo.

Imilimo ya batumwa 10:46

Pakuti balyumfwile bakososa mundimi shimbi nokutondayisha Lesa ukuti mukulu. Elo Petulo asosele ati,

Imilimo ya batumwa 4:33

Abatumwa balikupela bukamboni nefiso ubwakuti Bashikulu Yesu balibukile kubafwa nakambi Lesa alikubashukisha bonse.

Maliko 11:13

Ulo abwene umukunyu patali-patali uli namabula aaweme, eko ayile mukubona kati walitwala ifitwalo. Pakufika nkulya, asangileko bwaka amabula enka-enka, pakuba tayalipo enshita amakunyu atwalilapo.

Yohane 4:37

Nku kusosa kwakwebesha ukwakuti, ‘Umuntu umo alabyala, umunakwe naye alalobolola.’

Yohane 5:20

Pakuti Bawishi balitemwa Umwana, elo balamulanga ifintu ifyo Bo bachita. Elo akwisa kumulanga ifintu ifikulu ukuchila pali mfi, epo mwebo bonse mwakwisa kushimbwa ukwinekantu.