Yohane 13:34 - Chipangano Chabwangu

³⁴ Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Yohane 13:34 Referans Kwoze

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Yohane 15:17

Ifunde lyanji lyakuti, mutemwane.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Yohane 4:21

Ifunde ilyo Klistu atupela nindi: onse uwatemwa Lesa atemwe nawakwe.

Yemusi 2:8

Elo nga mwalama ifunde lyaku Bashikulu ilyalembwa mu Malembo ati, “Ulokutemwa umunobe kubati nimfilya wayitemwa wemwine,” mwachita ichiweme.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

Loma 12:10

Mutemwane ukwinekantu mubuwenu. Mupelane umuchinshi.

2 Yohane 1:5

Nomba nkokupapata we mwanakashi uwatemwekwa ukuti tulundeko bonse ukutemwana. Nshikokulembelapo ifunde ilyabwangu iyowo, kuntu lyenka ndilya twakwata ukufuma pakutatika.

Galatiya 6:10

Echo ulo tulineshuko, lekeni tuchite ifiweme kubantu bonse, ukuchilapo kuli bawesu mbalya abachetekela.

1 Yohane 3:11

Amashiwi awo twaumfwile ukutula pakutatika akuti tulokutemwana.

Hebele 13:1

Twalilileni ukutemwana nga abanankashi.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

Kolose 1:4

Pakuba tulyumfwile ukuchetekela kwenu uko mukwete muli Klistu Yesu, nefyo mwatemwa abantu baku Lesa bonse.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Mateyo 5:44

Nomba nkomweba ati, temweni abalwani benu nokubalombelako abakomuchusha.

Loma 13:8

Mwilokuba nenkongole kumuntu nangu umo kano nji iyakutemwana umo nomunakwe. Uutemwa wakwe, alama ifyo ifisosa Amafunde aku Lesa.

Loma 13:10

Uwatemwa wakwe, tekuti amubifishepo iyowo. Echo ukutemwa kulama ifisosa amafunde onse.