Yohane 12:44 - Chipangano Chabwangu

⁴⁴ Yesu asosele mwishiwi ilikulu ati, “Uyo onse uukonchetekela takochetekela muli nebo nenka iyowo, kuntu akochetekela namuli ngulya uwantumine.

Yohane 12:44 Referans Kwoze

Mateyo 10:40

“Onse uwapokelela mwebo, nine apokelela. Elo onse uwampokelela ekwebati apokelela na Bata abantumine.

Yohane 13:20

Nachine nkomweba ati, umuntu onse uwapokelela onse uwo natuma, ekwebati apokelela nebo, nakambi uupokelela nebo, apokelela nowantumine.”

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Maliko 9:37

“Umuntu onse uwakupokelela akana kanini akalinga nka mwishina lyanji, epela nine apokelela. Elo onse uwapokelela nebo, te nenkapo apokelela, kuntu nangulya uwantumine.”

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

Yohane 7:28

Ulo Yesu alikusambisha munanda yaku Lesa mu Yelusalemu, alibilikishe ati, “Nachine mwalinjishiba nokwishiba uko nafuma? Nomba tanshayisa mukufwayapo kwanji. Nomba uyo uwantumine wakwebesha. Mwebo tamwamwishibapo iyowo.

Yohane 11:43

Panuma yakusosa mfi, alibilikishe neshiwi ilikulu ati, “Lasalo, fuma!”

Maliko 9:23

Yesu asosele ati, “Chikoyalula ndo icho mukososa ati, kati ukosumina? Ifintu fyonse filachitika kumuntu uwaba nechichetekelo!”