Yohane 12:42 - Chipangano Chabwangu

⁴² Nangu chali mfilya, abenji abamubakulu ba Bayuda balichetekele muli Yesu. Nomba pamulandu wakutina Abafalisi, tabalikusosapo palwalala ukwebati belenga babatamfye munanda yakulombelamo Lesa.

Yohane 12:42 Referans Kwoze

Yohane 9:22

Abafyashi bakwe basosele mfi nipamulandu wakutina abakulu. Mba basuminishenye kale ati onse uwakwisa kusumina ukwebati Yesu Ewasubwa waku Lesa, bakwisa kumutamfya munanda yakulombelamo Lesa.

Yohane 7:13

Nomba takwalipo nangu umo uwasosele apabuta pakuti bonse balikutina abakulu ba Bayuda.

Mateyo 10:32

“Umuntu onse uwakunsumina pamenso abantu, eye nandibo nakwisa kumusumina pamenso aku Bata bakumulu.

1 Yohane 4:15

Umuntu onse uusumina ukuti Yesu Mwana waku Lesa, ekuti aba muli Lesa, elo na Lesa aba muli ye.

1 Yohane 4:2

Muli nji nshila, mwakwishibilamo umuntu uwakwata Umupashi waku Lesa: onse uusuminisha ati Yesu Klistu ayishileba umuntu wine-wine, waku Lesa.

Loma 10:10

Pakuti nikuchichetekelo eko tulungamikilwamo na Lesa. Elo nimukuyisosela eko tupulushiwa.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Yohane 19:38

Panuma yamfi, Yosefe waku Alimateya afumbile Pilato ukwebati amusuminishe ukubula ichitumbi chaku Yesu. (Yosefe ngu ali wakusambila waku Yesu, nomba mubumfishi pantu alikutina abakulu ba Bayuda.) Elo Pilato alimusuminishe. Ayile nokupinta ichitumbi chaku Yesu.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 12:11

pamulandu wakuti abantu abenji ulo balikubona Lasalo, batatikile ukukana ukusambisha kwabo, batatika ukuchetekela muli Yesu.

Yohane 11:45

Abantu abenji abayishile mukubona Malita balibwene ifyo Yesu achitile, echo balimuchetekele.

Yohane 9:34

Balimwasukile ati, “Webo wafyalilwe nokulelwa mububi, epo kanshi ukofwaya ukutusambisha?” Elo balimutamfishe kunse yananda yakulombelamo Lesa.

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Luka 12:8

“Elo nkomweba nati, uyo onse uwansumina pamenso abantu, Umwana wa Muntu naye akwisa kumusumina pamenso abangelo baku Lesa.

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Luka 23:13

Pilato ayitile pamo intungulushi shabachipupila, bafilolo nabantu.

Yohane 7:31

Nangu chali mfi, abantu abenji balichetekele. Elo basosele ati, “Kati Uwasubwa ayisa, napo akwisa kuchita imilimo iyafiso ifikulu ukuchila ngu muntu?”