Yohane 12:16 - Chipangano Chabwangu

¹⁶ Abakusambila bakwe tabaumfwilepo ukupilibula kwa mashiwi nga pali njilya nshita kufikila ulo Yesu abukile mubuleme. Elo bayibukishe ukuti nchi echo amashiwi alembelwe Mumalembo Apatulika alikulabila ishapali Ye.

Yohane 12:16 Referans Kwoze

Yohane 2:22

Ulo abukile kumfwa, abakusambila bakwe balibukishe ati mfi efyo alikusosa. Epo balichetekele ifya Mumalembo nefyasosele Yesu fyonse.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 8:1

Amashiwi ayanenene ayamfyo tukososapo yakuti tuli nakwe Chipupila Mukulu uwaba mfi, uwikala kukuboko kwamulyo kwamupando uwabufumu bwaku Lesa Uwamuchinshi mumulu.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Yohane 16:4

Nomba mfi namweba nebo ukuti ulo yakwisa inshita yabo iyakufichita mfi, mwakwibukisha ifyo mwebele. “Nshamwebelepo mfi fintu pakutatika pakuti nali pamo namwe.

Luka 24:45

Elo ayiswile imitwi yabo ukuti bomfwikishe ifya Mumalembo Apatulika.

Luka 24:25

Yesu asosele kuli bo ati, “Mwebo mwalipunama, tamuchetekelapo bwangu fyonse ifyo abasoseshi basosele!

Luka 18:34

Nomba abakusambila tabaumfwilepo nangu chimo ichaku mfi. Ukwalula kwamashiwi nga kwalifishilwe kuli bo nakambi tabayishibilepo nefyo Yesu alikusosa.

Luka 9:45

Nomba tabayishibilepo umo nchi chalolele. Chali ichafisama kuli bo ukuti bangachumfwa, nakambi balikutina ukufumba Yesu pali nchi.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Maliko 16:19

Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa.

Maliko 9:32

Nomba bo tabayishibilepo umwalolele nchi chebo. Echo balitinine ukumufumba.