Yohane 11:2 - Chipangano Chabwangu

² Ngu Maliya engulya uwayitulwile amafuta anunkila pamakasa aaku Bashikulu nokusumuna nemishishi yakwe. Ndume yakwe Lasalo alilwele.)

Yohane 11:2 Referans Kwoze

Yohane 12:3

Elo Maliya abulile umusashi wamafuta aabwema bwawama ayapangilwe na naladi nokuyetulwila pamakasa aku Yesu. Elo ayasumwine nemishishi yakwe. Inanda yonse yayiwilemo nobwema bwamafuta aanunkila bwino ngalya.

Maliko 14:3

Yesu ali mumushi wa Betani munanda yakwa Simoni uwapolele kufyona. Ulo ali pakulya, kwayishile umwanakashi umo uwapintile umusashi wamafuta aabwema ubuweme nakambi aamutengo ukulu ukwinekantu alikwitwa naladi. Ayiswile umusashi, ayitulwila namafuta pamutwi waku Yesu.

Luka 7:13

Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”

Yohane 11:3

Echo inkashi shakwe shatumine amashiwi kuli Yesu ati, “Bashikulu, chibusa wenu mulwele.”

Yohane 11:21

Elo Malita asosele kuli Yesu ati, “Bashikulu, nga mwali nkuno indume yanji nga tayafwilepo!

Yohane 11:32

Ulo Maliya afikile kuchifulo ukwali Yesu, ulo amubwene, bwangu-bwangu awile pamakasa akwe nokusosa ati, “Bashikulu, nga mwali nkuno indume yanji nga tayafwilepo iyowo.”

Yohane 13:13

Mwebo mukonjita ati, ‘Musambishi’ nakambi ati, ‘Bashikulu.’ Nachine mukolungika pakuti efyo naba.

Yohane 13:14

Nomba mwabona nebo Shikulunwe no Musambishi wenu, nasamba amakasa enu. Namwe kumo sambanenipo amakasa yenu.