Yohane 10:4 - Chipangano Chabwangu

⁴ Ulo ashifumya panse alashitanjilila, nembelele shilamukonka pakuti shalishiba ishiwi lyakwe.

Yohane 10:4 Referans Kwoze

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 5:3

Mwibapo nga imfumu pabantu abo mukotungulula, kuntu mube ichibwenesho ichiweme kuchilonganino.

1 Kolinto 11:1

Mulokutenteka nebo ukubati ifyo ntenteka Klistu.

Yohane 10:8

Bonse abayishile pantanshi yanji bang’o nabakufumpula. Echo nembelele tashabomfwilepo.

Mateyo 16:24

Elo Yesu asosele kubakusambila bakwe ati, “Umuntu kati akofwaya ukunkonka ayikanye umwine nokupinta umutashi wakwe, elo ankonke.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 6:20

Yesu alitutangilile kale nokwinjilamo pamulandu wakufwebo. Ye ayilekuba Chipupila Mukulu uwanshiku shonse, uwamutundu wakwa Melikisedeki.

Efeso 5:1

Nomba epo muli bana baku Lesa abatemwekwa, mulokwesha ukumupasha.

Yohane 3:29

Uyo uukoupa emwine wabwinga, kuntu chibusa wabwinga emakanina bwaka nokukutika, nokusekela pakumfwa ishiwi lyawabwinga. Kanshi nku ekusekela kwanji ukwakufikapo.

Yohane 13:15

Nebo nachita ichakubwenapo kuli mwe. Echo namwe mulingile mulokuchita ukubati ifyo nebo namuchitila.

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

Yohane 10:3

Eye mulonda wapamulyango eswilako, nembelele shilomfwa ishiwi lyakwe ulo ashita amashina ashiko. Elo alashitanjilila kumwemfu.

Yohane 10:5

Tashikonkapo umulwendo, kuntu shilamutina nokumubutuka pantu tashayishibapo ishiwi lyakwe.”

Yohane 10:27

Mbelele shanji shilomfwa ishiwi lyanji, nandibo nalishishiba, nasho shilankonka.