Yohane 10:25 - Chipangano Chabwangu

²⁵ Yesu alibasukile ati, “Ndimubushishe kale, kuntu tamukochetekelapo. Imilimo iyo nchita mwishina lyaku Bata, eyimfisulula.

Yohane 10:25 Referans Kwoze

Yohane 10:38

Nomba nga nkoyichita, nangu kati tamukonchetekelapo, chetekeleni milimo iyo nkobomba. Elo mwakwishiba ukuti Bata baba muli nebo, nandibo naba muli Bata.”

Yohane 8:58

Elo Yesu abasukile ati, “Nachine nkomweba ati, ulo Abulahamu atalafyalwa, eko nali kale!”

Yohane 14:11

Nchetekeleni nebo ulo nsosa nati ndi muli Bata nakambi Bata nabo bali muli ne. Nga temfilya, chetekeleni pamulandu wamilimo iyo nchita.

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Yohane 20:30

Yesu achitile ifyakushimbwisha ifinji ukwinekantu pamenso abakusambila bakwe. Fimbi tafyalembwapo muli ndi buku.

Yohane 12:37

Nangu Yesu achitile mfi fishibilo ifyafiso ifikulu pamenso abo, tabachetekelepo muli Ye.

Yohane 11:47

Elo Abafalisi nentungulushi shabachipupila nabakulu ba Bayuda balikumene nokusosa ati, “Twakuchita shani? Lolesheni pafyafiso ifikulu fyonse ifyo ngu muntu akochita!

Yohane 10:32

Elo Yesu asosele ati, “Nebo nchitile imilimo iinji iyawama pamenso enu iyo Bata bampele ukuchita. Pali nji yonse, mba niwisa uwo mukofwayilapo ukundashilapo amabwe?”

Yohane 8:24

Efyo nebo namwebele ukuti mwebo mwakwisa kufwila mumabifyo enu. Kati tamukonchetekelapo nga umo nabela, mwakufwa. Elo amabifyo enu takanakililwepo.”

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Yohane 7:31

Nangu chali mfi, abantu abenji balichetekele. Elo basosele ati, “Kati Uwasubwa ayisa, napo akwisa kuchita imilimo iyafiso ifikulu ukuchila ngu muntu?”

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Yohane 8:56

Nshinwe Abulahamu aali uwakusekelela pakuti afwayishe ukubona akasuba kakwisa kwanji. Nachine alikabwene, elo alisekelela ukwinekantu.”

Yohane 10:37

Kati nshibomba milimo yaku Bata, mwinchetekelapo iyowo.