Yohane 10:10 - Chipangano Chabwangu

¹⁰ Umung’o ena eshila ukwiba, ukwipaya nokonaula. Nomba nebo nalisa ukuti mwise mube nobumi, ubumi ubwinenene.

Yohane 10:10 Referans Kwoze

Luka 19:10

Pakuti Umwana wa Muntu ayishile mukufwaya nokupulusha abaluba.”

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 12:47

Kati umuntu aumfwa amashiwi anji nokutayanakila, tanshayise kumulengululapo. Nalisa, te mukupingulapo ichalo iyowo, kuntu nimukuchipulusha.

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.

Yohane 10:1

Yesu asosele ati, “Nachine nkomweba ati, umuntu uutenjilila pamulyango wechinka lyambelele, kuntu akoyinjilila pambi, emung’o nowakufumpula.

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

Hebele 6:17

Lesa alefwaya ukushininkisha kuli bo abakupokelela ifyo alayile ukuti tekutipo apilibuke mukulaya kwakwe. Emulandu wine alayile pakulapa.

Mateyo 23:13

“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [

Loma 2:21

Nomba webo uusambisha bambi, nindo utayisambishisha wemwine? Ulasambilisha ati, “Mwilokwiba,” napo we tawibapo?

Mateyo 18:10

“Chenjeleni ukuti mwisulapo umo uwabana mba abanini. Nachine nkomweba ati, abangelo babo abakumulu baba pantanshi yaku Bata abali kumulu inshita shonse. [

Maliko 11:17

Elo alikusambisha abantu ati, “Kanshi tachalembwa mu Mashiwi aku Lesa ukuti, ‘Inanda yanji yakwitwa ukuti ninanda yakulombelamo abantu bonse.’ Nomba mwe eyo mwasangula uluchengo lwabang’o!”

Yohane 12:6

Asosele mfi tepamulandupo wakulangulukila abachula iyowo, nipakuti ali mung’o. Ewalikupinta itumba lyandalama nokuyibulilamo.

Mateyo 21:13

Abebele ati, “Chalilembwa ukuti, ‘Inanda yanji yakwitwa inanda yakulombelemo,’ kuntu mwebo eyo mwasangula uluchengo lwabang’o.”

Yohane 5:40

Elo tamufwayapo ukwisa kuli nebo ukuti mube nobumi butashilapo.

Yohane 10:11

“Nine chembela uuweme. Chembela uuweme apela ubumi bwakwe pamulandu wambelele.

Mateyo 18:11

Pantu Umwana wa Muntu ayishile mukupulusha bo abaluba.]