Yohane 1:51 - Chipangano Chabwangu

⁵¹ Epo asosele nakambi kuli bo ati, “Nachine, mwakwisa kubona umulu wayisuka nabangelo baku Lesa bakonina nokwikila pa Mwana wa Muntu.”

Yohane 1:51 Referans Kwoze

Imilimo ya batumwa 7:56

Elo asosele ati, “Yangwee! Nabona umulu wachenama no Mwana wa Muntu alimakene kukuboko kwamulyo waku Lesa!”

Luka 22:43

Elo umungelo ayishile kuli Ye nokumukosha.

Luka 2:13

Bwangu-bwangu kwabwenekele ibumba ilikulu lyabangelo pamo nomungelo ngulya, lyalikulumbanya Lesa ati,

Maliko 14:62

Yesu amwasukile ati, “Ina, nine, nakambi mwakubona Umwana wa Muntu ekele kukuboko kwamulyo ukwaku Lesa umwine wafiso fyonse, mwakubona uko akwisa mumakumbi amumulu!”

Maliko 1:10

Ulo afumine mumenshi, Yesu abwene kumulu kwayisuka, no Mupashi Wabuta uwapalile ukubati ninkunda wayikele pali Ye.

Mateyo 3:16

Ulo Yesu ashilile ukubatishiwa, bwangu-bwangu alisubukile mumenshi. Mumulu mwalisukile, abwene Mupashi waku Lesa ukoyisa kubati ninkunda pali Ye.

Imilimo ya batumwa 10:11

Abwene kumulu kwayisuka, nechintu chimo chikoyika ukubati chisalu ichikulu bakochishisha panshi ichakakwa mufifuntu fine.

Luka 3:21

Ulo abantu bonse babatishiwe, Yesu naye alibatishiwe. Munshita ali mukulomba, kumulu kwalisukile,

Mateyo 4:11

Elo Satana alimushile Yesu, nabangelo balishile nokumupyungila.

Ukufisulula 19:11

Panuma yaku mfi nalibwene kumulu kwayisuka. Nalibwene nakabalwe uwabuta. Uwakwelele pali ye bamwita ukuti Uwachetekelwa nakambi Uwachine. Eupingula nokulwa mubulungami.

Ukufisulula 4:1

Elo nabwene umulyango uwisukile kumulu. Penkapo nalyumfwile ishiwi ndilya naumfwile pakutatika ilyo ilyali kusosa kuli ne kubati kulila kwalupenga, likoti, “Isa nkuno, nina nkuno, ukuti njise nkulange ifyakwisa kuchitika panuma yaku mfi.”

2 Tesalonika 1:7

Elo akumupela ukutusha mwe bakochula nomba pamo nafwebo. Akuchita mfi ulo Bashikulu Yesu bakufuma kumulu pamo na bangelo babo abafiso.

Luka 2:9

Umungelo waku Lesa alibonekele kuli bo, epo nomuchinshi waku Bashikulu walibasanikile. Elo balitinine ukwinekantu.

Hebele 1:14

Napo abangelo, temipashi iikomupyungila bwaka, iyo Lesa atuma ukwafwilisha bo abakupuluka.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Yohane 10:1

Yesu asosele ati, “Nachine nkomweba ati, umuntu uutenjilila pamulyango wechinka lyambelele, kuntu akoyinjilila pambi, emung’o nowakufumpula.

Luka 22:69

Ukufuma nomba Umwana wa Muntu akwikala kukuboko kwamulyo ukwaku Lesa Uwafiso fyonse.”

Mateyo 25:31

“Ulo Umwana wa Muntu akwisa mubuleme bwakwe, pamo nabangelo bakwe bonse, akwikala pachipuna chakwe ichabufumu.

Yuda 1:14

Embalya Enoki, ichikolwe chalenga basanu na babili ukufuma pali Adamu, asosele ukuti, “Nachine Imfumu yakwisa nabangelo bayiko ababuta abali amakana-makana.

2 Tesalonika 1:9

Ukulandulwa kwabo kwakuti bakonaulwa umuyayaya. Tabakabonepo ichinso chaku Bashikulu nangu ubuleme bwabo nakambi iyowo.

Yohane 14:12

Nachine nkomweba ati, uyo onse uwachetekela muli nebo akwisa kuchita imilimo iyo nebo nkochita. Ina, akwisa kuchita imilimo iikulu nokuchishapo, pantu nkoya kuli Bata.

Yohane 6:47

Nachine nkomweba ati, umuntu uwanchetekela ali nobumi butashila.

Luka 24:4

Balimakene mpalya nokushimbwa pali nchi. Bwangu-bwangu abalalume babili abafwite ifyabekesha bayimakene nabo.

Mateyo 26:24

Umwana wa Muntu akoya mukufwa nga mfilya chalembwa mu Mashiwi aku Lesa pali Ye. Nomba ishamo kumuntu uyo ukoyembula Mwana wa Muntu! Nga chaliweme kuli ye ukutafyalwapo.”

Yohane 21:18

Nachine nkokweba ati, ulo wali umulumbwana, walikwifwika wemwine nokuya konse walikufwaya ukuya, kuntu ulo wakukota, wakwisa kutambulula amaboko obe, umuntu umbi akwisa kukukaka nokukutwala uko utakofwayapo.” (

Yohane 8:51

Nachine nkokweba ati, umuntu onse uwakumfwa ukusambisha kwanji takafwepo.”

Yohane 6:32

Yesu abasukile ati, “Nachine nkomweba ati, te Mosesi amupele umufuba ukufuma kumulu, kuntu ni Bata ebamupele mwebo umufuba winenene ukufuma kumulu.

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Yohane 16:20

Nachine nkomweba ati, mwakulila imisowa, kuntu ichalo chikoyisa kusekelela. Mwebo mwakwisa kuba nechikonko, kuntu ichikonko chenu chakwaluka ukusekelela.

Yohane 13:16

Nachine nkomweba ati, takupo umusha uwachila wishikulu wakwe, nangu intumi ukuchila uyo uwamutumine.

Yohane 10:7

Nakambi Yesu asosele kuli bo ati, “Nachine nkomweba ati, nine mulyango wambelele.

Yohane 6:53

Elo Yesu asosele kuli bo ati, “Nachine nkomweba ati, kati mwebo tamukolyapo umubili wa Mwana wa Muntu nokunwa umulopa wakwe, tamwakabepo nobumi.

Yohane 5:27

Elo alipela Umwana insambu shabupingushi, pantu ye Mwana wa Muntu.

Yohane 5:19

Yesu alibasukile abakulu ba Bayuda ati, “Nachine nkomweba ati, Umwana tachitapo kantu nangu kamo apaenka. Ye achita fyonse ifyo abona Bawishi bachita. Pakuti yonse imilimo achita Wishi, no Mwana naye alachita yenka njilya.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Mateyo 9:6

Pakuti mwishibe ati Umwana wa Muntu ali nensambu muchalo ishakunakilila amabifyo.” Elo aebele ichilema ati, “Ima bula amachila obe ulokuya kunanda yobe.”

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Yohane 16:23

“Muli nkalya kasuba tamwayise kumfumba akantu iyowo. Nachine nkomweba ati, nga mwakufumba akantu kuli Bata mwishina lyanji, bakumupela.

Yohane 13:38

Yesu alyasukile ati, “Kanshi webo uliyiteyenye ukufwila nebo? Nachine nkokweba ati, tambala atalalila bwenka mbuno bushiku, ukoyisa kunkana imiku itatu.

Yohane 8:58

Elo Yesu abasukile ati, “Nachine nkomweba ati, ulo Abulahamu atalafyalwa, eko nali kale!”

Yohane 8:34

Yesu asosele ati, “Nachine umuntu onse uuchita amabifyo, epela musha wamabifyo.

Yohane 6:26

Yesu alibasukile ati, “Nachine nkomweba ati, mukomfwaya pamulandu wakuti mwalilile imifuba nokwikuta, tepamulandupo wakweba ati mwalyumfwile bwino ifyafiso ifikulu.

Yohane 1:50

Yesu asosele ati, “Kanshi wachetekela pakuti nakweba ati, ‘Nakubwene kale ulo wayikele munshi yamukunyu?’ Wakwisa kubona ifintu ifikulu ukuchila pali nchi!”