Yohane 1:45 - Chipangano Chabwangu

⁴⁵ Filipo naye asangile Natanayeli nokumweba ati, “Twamusanga uwo Mosesi alembele mwibuku lya Mafunde, nabasoseshi nabo balimulembele. Ni Yesu waku Nasaleti, mwana Yosefe.”

Yohane 1:45 Referans Kwoze

Luka 24:27

Echo Yesu abalondolwelele nefyakwe ifyasoselwe mu Malembo Apatulika, ukutatikila mumabuku alembele Mosesi nokufikila naku Malembo onse aabasoseshi.

Mateyo 2:23

Nkulya kwenka ayikele mumushi wa Nasaleti, ukuti chifikilishiwe ichasoselwe nabasoseshi ati, “Akwitwa umwina Nasaleti.”

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Luka 4:22

Nomba bonse balimulumbenye nokushimbwa pamashiwi alikusosa aamulangwe. Balikusosa bati, “Napo ngu temwana Yosefe?”

Yohane 18:7

Nakambi Yesu alibafumbile inshita yachibili ati, “Ninani mukofwaya?” Nabo bayasukile ati, “Ni Yesu waku Nasaleti.”

Maliko 6:3

Napo ngu temwanapo wakwa kapala wamapulanga, mwana Maliya, nawabo wakwa Yemusi, Yose, Yuda na Simoni? Kanshi bankashi shakwe nabo temba benka twikala nabo nkuno?” Echo balimusulile.

Mateyo 21:11

Amabumba akonkele Yesu ayasukile ati, “Ngu ni Yesu, musoseshi ngulya waku Nasaleti, umushi wamuchalo cha Galili.”

Imilimo ya batumwa 22:8

Nayasukile ati, ‘Mba nimwe bani Bashikulu?’ Naye ayasukile ati, ‘Nine Yesu uyo ukochusha.’

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Yohane 21:2

Simoni Petulo, Tomasi (Uyo uwalikwitwa Mpundu), na Natanayeli (uyo uwafumine ku Kana waku Galili), nabana baku Sebedi, nabambi babili abakusambila baku Yesu, bali pamo bonse.

Luka 2:4

Yosefe naye alimine ukufuma ku Galili, kumushi waku Nasaleti, nokuya ku Yudeya, kumushi wakwa Davide, uukoyitwa Betelehemu, pakuba ali uwamukowa wa Davide.

Maliko 14:67

Abwene Petulo akoonta umulilo, amulolesesha nokumweba ati, “Nawebo kumo wali pamo na Yesu waku Nasaleti.”

Mateyo 13:55

Napo ngu temwanapo wakwakapala wamapulanga? Teye mwana Maliya? Nawabo wakwa Yakobe, Yose, Yuda na Simoni?

Imilimo ya batumwa 26:9

“Ukuba nandibo kumo akale efyo nalikulanguluka ukuti ninsuminisha nangu panini amashiwi aku Yesu waku Nasaleti.

Imilimo ya batumwa 3:6

Elo Petulo amwebele ati, “Indalama nebo nshikwetepo, kuntu nkokupela icho nkwete: Mwishina lyaku Yesu Klistu waku Nasaleti nkoti ima wende!”

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Yohane 19:19

Pilato alilembelepo ichishibilo nokuchibika pamutashi waku Yesu. Palembelwe ati, “Yesu waku Nasaleti, Imfumu ya Bayuda.”

Yohane 18:5

Nabo balimwasukile bati, “Ni Yesu waku Nasaleti.” Yesu abebele ati, “Nine.” Yuda uwamwembwile Yesu, naye alimakene pamo nabo.

Yohane 6:42

Epo basosele ati, “Napo ngu te mwana Yosefe? Bawishi nabanyina twalibeshiba. Nga nishani nomba akoebela ati, ‘Nafuma kumulu?’”

Luka 3:23

Ulo Yesu atatikile ukusambisha ali nemyaka nangula amakumi atatu. Abantu balangulukile bati nangula nimwana Yosefe, umwana wakwa Heli,

Mateyo 10:3

Filipo na Batolomeyo, Tomasi na Mateyo uwamusonko, Yemusi mwana Alifeyo na Tadiyasi,

Luka 2:48

Abafyashi bakwe balishimbilwe ulo bamubwene. Banyina basosele ati, “We mwana wanji, nindo watuchitila mfi? Bona bawiso nandibo ulitupamfishe intibi mukufwaya-fwaya.”

Yohane 1:44

Filipo afumine ku Betesaida, mumushi mwalikwikala Andileya na Petulo.)

Yohane 6:5

Yesu pakulolesha, abwene ibumba ilikulu ilyabantu likoyisa, afumbile Filipo ati, “Nikwisa twingashita ifyakulya ifyakulisha mba bantu bonse?”

Yohane 6:7

Filipo alyasukile ati, “Nangu kati twashita imifuba ikoshitikwa indalama imyanda ibili tekuti ikumaninepo kubantu abafula mfi ukuti umuntu umo-umo alyeko kanini bwaka.”

Yohane 12:21

Bayile kuli Filipo, (Filipo ali waku Betesaida muchalo cha Galili,) bati, “We mfumu, tukofwaya ukubona Yesu.”

Yohane 14:8

Elo Filipo asosele ati, “Bashikulu, tulangeni Bashinwe, echo tukofwaya epela.”

Luka 18:37

Bamwebele ati, “Ni Yesu waku Nasaleti akopita.”