Yohane 1:33 - Chipangano Chabwangu

³³ Nangu chali mfi, nebo nshamwishibilepo ati eye. Nomba Lesa, uwantumine ukubatisha namenshi, ewasosele kuli nebo ati, ‘Ulo wakwisa kubona Mupashi Wabuta ukufuma kumulu nokwikala pamuntu, ngu eye uwakwisa mukubatisha no Mupashi Wabuta.’

Yohane 1:33 Referans Kwoze

Imilimo ya batumwa 1:5

Yohane alikubatisha mumenshi, kuntu munshiku ishinini mwebo mwakubatishiwa no Mupashi Wabuta.”

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

Yohane 1:31

Nebo tanshamwishibilepo, kuntu nayisa mukubatisha namenshi ukuti eshibikwe kubena Isilaeli.”

Yohane 7:39

Yesu pakusosa mfi, alikulanguluka ifya Mupashi Wabuta uyo abo abachetekela muli Ye bakwisa kupokelela. Pali njilya nshita Umupashi Wabuta wali taulepelwapo, pakuti Yesu ali talayingila mubuleme bwakwe.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.