Yohane 1:29 - Chipangano Chabwangu

²⁹ Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 1:29 Referans Kwoze

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.

1 Petulo 1:19

Amupulwishe nomulopa uukosele umutengo. Ye balimwipeye kubati mwana wambelele uutakwetepo akasemba nangula akalema.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Ukufisulula 6:1

Elo nabwene Umwana wambelele akokambatula ifishibilo chimo-chimo ichakumfilya fisano na fibili. Bwangu-bwangu naumfwile chimo mufyabumi chikososa neshiwi ilikulu kubati kubuluma kwamfula likoti, “Isa!”

Ukufisulula 12:11

Bawesu balichimfishe nomulopa wa Mwana wambelele, namashiwi ayachine ayo balikubilisha. Bo baliyipele ukufikapo, ichakwebati tabali kutinapo nokufwa.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Yohane 1:36

Ulo abwene Yesu akoenda, asosele ati, “Boneni Umwana wa Mbelele waku Lesa!”

Ukufisulula 7:17

Pakuti Umwana wambelele uuli pakati kamupando wabufumu, akuba chembela wabo nokubatungulula kutumfuku-mfuku twamenshi ayapela ubumi. Lesa akubasumuna iminsoshi yonse kumenso yabo.”

Imilimo ya batumwa 8:32

Kanshi Amashiwi aku Lesa alikupenda ni nga, “Ali kubati nimbelele iyo bakotwala mukwipaya, akutumene bwaka chelele kubati mwana wambelele, pachinso chaku bo abakomubeya. Tasoselepo ishiwi nangu limo.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”

Ukufisulula 15:3

Balikwimba ulwimbo lwakwa Mosesi umupyungi waku Lesa, nolwimbo ulwa Mwana wambelele ati, “Bashikulu Lesa Uwafiso fyonse, imilimo yenu ikulu nakambi yakushimbwisha. Ishila shenu shalilungama nakambi shachine, mwe Imfumu yamitundu yonse iyabantu.

Ukufisulula 14:1

Ulo nalolekeshe, nalibwene Umwana wambelele alimakene pamulu wa Lupili lwa Siyoni. Pamo nakwe pali abantu 144,000 abo abalembelwepo ishina lyakwe nelya Bawishi pampumi shabo.

Ukufisulula 7:14

Nebo nayaswike ati, “Bashikulu mwe mwishibe nimwebo.” Elo anjebele ati, “Mba ebali mumachushi aakulu ngalya. Balichapa iminjila yabo nokuyitubisha mumulopa wa Mwana wambelele.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

Ukufisulula 19:9

Penkapo umungelo alisosele kuli nebo ati, “Lemba amashiwi nga: Balishuka bantu abetwa kukusefya kuchupo cha Mwana wambelele.” Nakambi umungelo ati, “Nga mashiwi yaku Lesa ayachine.”

Ukufisulula 14:10

ye akunwako kuli waini uwabukali bwaku Lesa ubo akupongolwela mulukombo lwakwe nefiso fyonse. Bonse abakochita mfi bakuchushiwa kumulilo nakusilubale pachinso chabangelo ababuta no Mwana wambelele.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Ukufisulula 19:7

Natusekelele nokutemwa, nakambi tumutondayishe pamulandu wabuleme bwakwe. Elo inshita yabwinga bwa Mwana wambelele ilifikile, elo na nabwinga aliyipekenye kale.

Ukufisulula 14:4

Mba ebayilamine, abatayibifishepo nabanakashi, abatayishibapo umwalalume. Balakonka Umwana wambelele konse aya. Mba balipulushiwa pakati kabantu ukuti babe abakwamba ukupelwa kuli Lesa naku Mwana wambelele.

Ukufisulula 5:8

Ulo ashilile ukupoka ibuku, ifyabumi fine mfilya nabachilolo amakumi abili nabane, balifukeme pantanshi ya Mwana wambelele. Umo pali bo alikwete isese nembakuli ishagolide ishayiwilemo notwanunkilila bwino. Ukununkila nkulya kwali kulomba kwabantu baku Lesa.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 21:9

Nomba umo mubangelo basano na babili mbalya abali nembale shisano na shibili ishayiwilemo nefinkunka fisano na fibili alisosele kuli nebo ati, “Isa, nkokulanga nabwinga, umukashi wa Mwana wambelele.”

Ukufisulula 6:16

Elo baebele impili namabwe ati, “Tuponeneni nokutufisa ukufuma kuli Ye uwikele pamupando uwabufumu nokutupulusha kubukali bwa Mwana wambelele!

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Ukufisulula 21:27

Nomba mumusumba ngu tamwakenjilemo akantu nangu kanini akabipa nangula abantu bachita ifyansoni, nangula ababufi. Abantu abakwinjilamo nimbalya abakwete amashina ayalembwa mwibuku ilyabumi ilya Mwana wambelele.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

1 Kolinto 15:3

Pakuba amashiwi aakulu ayo namusambishe eyekayo nandibo napokele. Amashiwi nga yakwebati Klistu afwilile amabifyo esu kubati ifyo Amalembo asosa.

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Ukufisulula 5:6

Panuma yaku mfi, nabwene Umwana wambelele uwayimakene pakati kamupando wabufumu nefyabumi fine mfilya filimushingulukile, pamo nabafilolo amakumi abili na bane. Umwana wambelele ngulya alikuboneka kubati balimwipeye. Alikwete insengo shisano na shibili nakambi amenso asano na abili yali mipashi yaku Lesa isano na ibili iyatuminwe muchalo chonse.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Galatiya 1:4

Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Imilimo ya batumwa 13:39

Echo mwishibe ukuti umuntu onse uchetekela Yesu alakakulwa kububifi bonse ubo Amafunde akwa Mosesi afililwe ukumufumyamo.

Mateyo 1:21

Akufyala umwana umwalalume. Elo webo wakwisa kumwinika Yesu, pakuti eukapulusha abantu bakwe kumabifyo abo.”

Ukufisulula 21:14

Ichibumba chamusumba ngu chayimekwe pamifulwa yamabwe ikumi na abili apo apalembelwepo amashina yabatumwa ikumi na babili abaku Mwana wambelele.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Yohane 1:35

Pakasuba kakonkelepo, Yohane Mubatishi ayimakene penka pali nchilya chifulo nabakusambila bakwe babili.

Yohane 1:43

Akasuba kakonkelepo Yesu alangulukile ukuya kuchalo cha Galili. Elo asangile umwalalume uwitwa Filipo nokuti kuli Ye, “Nkonka!” (

Yohane 2:1

Ulo papitile inshiku shibili kwali ubwinga mumushi wa Kana, mu Galili. Banyina baku Yesu nabo eko bali.

Yohane 4:42

Epo basosele kumwanakashi ati, “Twachetekela nomba, tepamulandu wakuli mfilya ifyo watubusha, kuntu pantu twayumfwila fwebene. Elo twayishiba ukuti nachine ngu Mupulushi wachalo.”

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”