Yohane 1:17 - Chipangano Chabwangu

¹⁷ Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 1:17 Referans Kwoze

Loma 6:14

Ukufuma nomba ububi tabukwetepo ifiso pali mwebo pantu ichikotanjilila ubumi bwenu tepo amafunde iyowo, kuntu bwanshi ubukulu bwaku Lesa.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Hebele 9:22

Ina, ukulingana na Mafunde akwa Mosesi, ifintu filawamishiwa nomulopa. Elo amabifyo tayanakililwapo ukwambula ukwitulwilwa umulopa.

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Yohane 7:19

Mosesi alimupele Amafunde, kuntu tapapo nangu umo uwakumwebo uualama. Mba mulandu ndo mukofwayila ukunjipaya?”

Imilimo ya batumwa 28:23

Nomba balyumfwene akasuba kalingile ukwisa kulonganinapo na Paulo. Nomba pali nkalya kasuba, kwayishile ibumba lyabantu ilikulu ukwinekantu ilya Bayuda ukwali Paulo. Ukufuma luchelo-chelo ukufikila ubushiku, Paulo alikubalondolwela pafyabufumu bwaku Lesa. Ayeseshe ukwinekantu ukubalondolwela ukuti bamusumine Yesu ukupitila mukubalangilila umo bamulembele mu Mafunde akwa Mosesi nakambi namu malembo abasoseshi.

Galatiya 3:17

Icho nkososa chakuti Lesa apangile ubulayo nokushininkisha ukwebati akuchisunga. Elo Amafunde akwa Mosesi ayishile ulo papitile imyaka imyanda ine namakumi atatu, tekuti atobepo nokonaula ichipangano chaku Lesa nchilya.

Imilimo ya batumwa 7:38

Enka Mosesi ngu ewali pamo nefikolwe fyesu ulo balongene muchiswebebe. Ewali nomungelo uyo asosele nakwe pa Lupili lwa Sinai. Engu enka uwapokelele amashiwi abumi nokuyapela kuli fwebo.

Yohane 5:45

Mwilanguluka ukuti nebo nakwisa kumupela umulandu kuli Bata. Nomba Mosesi uwo mwabikamo ubuchetekelo, ewakumupela umulandu.

2 Kolinto 1:20

Elo ifintu fyonse Lesa alayile fyachitikile na “Ina” enka ngu. Echo muli Yesu Klistu tusosa ati, “Ameni,” mukuchinshika Lesa.

Yohane 9:29

Twalishiba ukuti Lesa asosele kuli Mosesi, kuntu ngu muntu, fwebo tatwishibilepo noko afuma.”

Yohane 18:37

Elo Pilato amufumbile ati, “Kanshi webo uli mfumu?” Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”