Yohane 1:15 - Chipangano Chabwangu

¹⁵ Elo Yohane amuchitile bukamboni. Alibilikishe ati, “Ngu eye nalikumweba ati, ‘Ukoyisa panuma yanji alinchilile ifiso pakuti Ye eko ali ulo ntalafyalwa.’”

Yohane 1:15 Referans Kwoze

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Kolose 1:17

Ifintu fyonse tafilatatika, Klistu eko aali. Elo muli Ye ifintu fyonse fyalikatana.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Luka 3:16

Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Yohane 8:58

Elo Yesu abasukile ati, “Nachine nkomweba ati, ulo Abulahamu atalafyalwa, eko nali kale!”

Ukufisulula 2:8

“Uutangilila ichilonganino chaku Simuna umulembele: “Nga mashiwi aafuma kuli uyo uuli ekutatika nokulekelesha, uyo uwafwile nomba ali nobumi.

Hebele 13:8

Yesu Klistu eye enka, mayilo, lelo nenshiku shonse.

Yohane 1:27

Uyo uwakwisa panuma yanji, nebo tanshilingilepo nokukakula ulushinga lwankwabilo shakwe.”

Maliko 1:7

Epo alikubilisha nokuti, “Uyo uwakwisa panuma yanji alinchililepo ifiso. Nebo tanshilingilepo nokwinama panshi ukuti nkakule ulushinga lwankwabilo shakwe.

Ukufisulula 1:11

Ishiwi lyasosele ati, “Ifyo ukobona ulembe mwibuku nokulituma kufilonganino mfi fisano na fibili: Ku Efeso, Simuna, Pegamamu, Tayatila, Sadisi, Filadelufiya, naku Lawodisiya.”