Yohane 1:10 - Chipangano Chabwangu

¹⁰ Ishiwi ndilya lyali muchalo, nangu Lesa atalile ichalo ukupitila muli Ye, kuntu abantu tabamwishibilepo.

Yohane 1:10 Referans Kwoze

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Kolinto 2:8

Tapapo bakateka banchino chalo abayishibe umulangwe ngu. Nga balishibile, nga tabasamikilepo Bashikulu ababuleme pamutashi.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Hebele 11:3

Muchichetekelo tuleshiba ukuti fyonse ifilipo fyalengelwe namashiwi aku Lesa. Echo ifintu ifiboneka fyapangilwe kufintu ifitaboneka.

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 1:5

Nku Kusanika kusanikila mumfinshi, epo nemfinshi tekuti ikushimyepo.

Imilimo ya batumwa 14:17

Pakuba Lesa talekelepo ukuyilanga umwine ukuti eko aba ukupitila mukuchita ifiweme. Ukufuma kumulu alamupela imfula nokulenga ifitwalo ukupya panshita iilingile. Alamupela ifyakulya nokumusangalasha mumitima yenu.”

Yohane 5:17

Yesu alibasukile ati, “Bata babomba imilimo inshita shonse, epo nandibo ningile ukuchitila mumo mwenka.”

Yohane 1:3

Ukupitila muli Ye Lesa atalile ifintu fyonse. Takupo nangu chimo ichatalilwe ukwambula Ye.

Yohane 1:11

Ayishile kuchalo chakumwabo, kuntu abantu tabamupokelelepo.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

Kolose 1:16

Muli Ye Lesa alengele fyonse ifyamumulu napanshi, ifiboneka nefitaboneka, intungulushi, bashamfumu nabachilolo, elo nabakateka. Lesa atalile fyonse ukupitila muli Klistu nakambi afilengele Ye.