Mateyo 9:2 - Chipangano Chabwangu

² Nkulya abantu bambi bamutwalile ichilema ichatembelwe pamachila. Ulo Yesu abwene ichichetekelo chabo, asosele kuchilema ati, “Shipa we mwana wanji! Amabifyo obe anakililwa.”

Mateyo 9:2 Referans Kwoze

Mateyo 9:22

Penkapo Yesu alichebukile nokumubona. Elo asosele kuli ye ati, “We mwana wanji, shipa, ichichetekelo chobe chakuposha.” Elo umwanakashi alipolele penkapo.

Yemusi 2:18

Nalimo umbi kuti asosa ati, “Webo ulikwete ichichetekelo, elo nebo ndi nemilimo iiweme.” Nebo kuti nasosa ati, “Nangako ichichetekelo chobe ichambula imilimo, kuntu nebo nemilimo yanji nkokulanga ichichetekelo chanji.”

Imilimo ya batumwa 19:12

Abantu nga bapinta akatambala nangu insalu imbi iyali kubomfya Paulo nokutwala kubalwele, nabalwele balikupola. Ne mipashi iibi yalikufumamo mubantu.

Yohane 21:5

Elo Yesu abafumbile ati, “Mwe balumbwana, napo tamwipeyepo nangu kamo?” Balimwasukile ati, “Iyowo, tatwipeyepo nangu kamo.”

Mateyo 8:10

Ulo Yesu aumfwile mfi, alishimbilwe nokusosa kuli bo abalikumukonka ati, “Nkomweba ichine nati, nshasangapo umuntu nangu umo mu Isilaeli uwachetekela nga ngu muntu.

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Imilimo ya batumwa 14:9

Ngu muntu alikukutika kufintu Paulo alikusosa. Elo Paulo amubwene ukuti alikwete ichichetekelo chakupola. Elo amutontele amenso

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Mateyo 9:6

Pakuti mwishibe ati Umwana wa Muntu ali nensambu muchalo ishakunakilila amabifyo.” Elo aebele ichilema ati, “Ima bula amachila obe ulokuya kunanda yobe.”

Mateyo 8:16

Ulo kwali ichungulo, batwite abalwele abenji kuli Yesu pamo nambalya abali nemipashi iibi. Elo Yesu alibaposeshe bonse kwishiwi bwaka. Nabonse abali kulwala alibaposeshe.

Yohane 2:25

Elo tachafwayilwe umuntu uuli onse ukumubushako ifyakwikala kwabantu, pantu umwine alishibile ifyali mumitima yabo.

Maliko 5:34

Elo Yesu asosele kuli ye ati, “We mwana wanji ichichetekelo chobe chakuposha. Endelapo umutende, wikale we wapola kubulwele bobe.”

Maliko 1:32

Nomba muchungulo, katile ukwinjila akasuba, batwite kuli Yesu bonse abalwele, nabayiketwe imipashi iibi.

Mateyo 6:12

Mutunakilileko amabifyo yesu, kubati nimfilya tunakilila bonse abatubifisha.

Mateyo 9:5

Nichisa ichayanguka ukusosa ati, ‘Amabifyo obe anakililwa,’ nangula ukwebati, ‘Ima wende?’

Mateyo 14:27

Bwangu-bwangu Yesu asosele kuli bo ati, “Shipeni, nine, mwitina!”

Maliko 6:50

Bwangu-bwangu Yesu asosele kuli bo ati, “Shipeni! Nine, mwitina!”

Maliko 10:49

Yesu alimakene ati, “Mwiteni.” Epo bayitile impofu njilya nokueba ati, “Sanguluka! Ima, akokwita.”

Imilimo ya batumwa 23:11

Mubushiku mbulya bwenka, Bashikulu bayishile kwimakana apepi na Paulo nokumweba ati, “Kosa umutima! Kubati nimfilya unchitile bukamboni muno Yelusalemu, efyo wakuya kuchita naku Loma.”