Mateyo 3:5 - Chipangano Chabwangu

⁵ Abantu abenji abamu Yelusalemu, nabamuchalo cha Yudeya, elo nabamumishi iyali mupepi na Yodani balishile kuli Yohane.

Mateyo 3:5 Referans Kwoze

Maliko 1:5

Epo balile kuli Yohane abantu abenji ukufuma kuchalo chaku Yudeya, na mumusumba wa Yelusalemu, ukuya mukumfwa ifyo Yohane alikushimika. Epo balikuyisosela amabifyo abo, nokubatishiwa kuli Yohane munika ya Yodani.

Yohane 5:35

Yohane ali kubati inyali iyakusanika nokubutisha. Echo mwebo mwalisekelele panshita iinini ukwikala mukusanika kwakwe.

Yohane 3:23

Yohane naye alikubatisha ku Enoni, apepi naku Salimu, pantu nkulya kwali amenshi ayenji. Abantu balikuya kuli ye, elo alikubabatisha. (

Luka 16:16

“Amafunde akwa Mosesi nefyalembele abasoseshi fyalikupyungilwa ukufikila napanshita Yohane Mubatishi ayishilemo. Ukufumina pali njilya nshita, Ubutumi Bwawama bwaku Lesa bwatatikile ukubilishiwa, nomuntu onse akolwila ukwinjilamo.

Luka 3:7

Abantu abenji bayishile kuli Yohane mukubatishiwa kuli ye. Elo asosele kuli bo ati, “Mwebana bansoka mwe! Ninani wamuchenjeshe ukubutuka kubukali bwaku Lesa ubukoyisa?

Mateyo 4:25

Echo amabumba abantu ayenji alimukonkele, ayafumine ku Galili, kuchalo chamishi ikumi, kumusumba wa Yelusalemu, ku Yudeya, elo nabakwitala lyamulonga wa Yodani.

Mateyo 2:1

Yesu afyalilwe ku Betelehemu, umushi wamuchalo cha Yudeya, panshita imfumu Helodi alikuteka nchilya chalo. Ulo papitile inshiku, abantu abachenjela mukwishiba ifyantandala bafumine kumutule-suba nokufika mumusumba wa Yelusalemu.

Luka 3:3

Yohane ayile muchalo chonse ichaku Yolodani, akobilisha ati, “Lapileni nokubatishiwa ukuti Lesa amunakilile amabifyo enu.”