2 “Lapileni pantu ubufumu bwakumulu bwapalamina!”
Ukufuma pali njilya nshita, Yesu atatikile ukubilisha ati, “Lapileni pantu ubufumu bwakumulu bwapalamina.”
Asosele ati, “Inshita yafika, nobufumu bwaku Lesa bwapalamina. Pilibukeni imitima nokuchetekela mu Butumi Bwawama!”
Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.
Ubufumu bwenu bwise, ukufwaya kwenu kuchitike panonshi, ukubati nikumulu.
Insoni ishisekesha Lesa shipilibula umutima wamuntu ukwebati apuluke. Elo chilashila penka mpalya. Nomba ukuba nensoni kubati bantu abatemwa ifyapanonshi, kuleta imfwa.
Kamuyeni mukubilisha ati, ‘Ubufumu bwakumulu bwapalamina.’
Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.
Munshila imo yenka nkomweba ati, abangelo baku Lesa bakuba nokusekelela pambifi imo yenka iyalapila!”
Iyowo! Nakambi nkomweba nati, kati tamukolekapo ukuchita ububi, bonse mwakwisa kufwa kubati nimulya bafwilile.
Iyowo, nimunshila yafiso fyaku Lesa emo ntamfishamo imipashi iibi. Nku ekushininkisha ukuti Ubufumu bwaku Lesa bulifikile pali mwe.
Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.
Ukuba Lesa alisulako kufintu abantu balikuchita panshita iyo batamwishibilepo, kuntu nomba akofwaya abantu mpanga yonse ukuti balapile.
Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”
Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”
Ulo Yesu aloleshe pabakusambila bakwe alibebele ati, “Mwalishuka mwebo mwe bachula, pakuti ubufumu bwaku Lesa bwenu!
Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”
“Nakambi ubufumu bwakumulu buli kubati lisumbu ilyaposelwe pali bemba ukwikata inswi ishipusene-pusene.
Nakambi Yesu abebele nachimbi ichelusho ati, “Ubufumu bwakumulu buli kubati mimena iyo umwanakashi ayabikile muli bansako batatu, nokufuba umufuba ukufikila onse watutumuka.”
Elo pakasuba kakupingulwa, abantu bamu Ninive bakwisa kumupela umulandu pakuti balilekele ukuchita ifibi ulo baumfwile ukusambisha kwakwa Yona!
Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.
Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.
Nalikukonkobesha Abayuda nabenafyalo ukuti balapile nokwalukila kuli Lesa ukuti bachetekele muli Bashikulu Yesu.
Munshila imo yenka, nkomweba mwe ati, kwakuba ukusekelela ukukulu mumulu pambifi imo iyalapila ukuchila abalungamikwa kale amakumi asano na ane nabantu basano na bane abatafwayapo kulapila.
Iyowo! Nomba nga tamwalapilepo, mwakwisa kufwa kubati nimulya bafwilile.”
Elo abatumine mukubilisha ubufumu bwaku Lesa nokuposha abalwele.
Epo abakusambila balile ulo babilisha kubantu ukwebati bapilibuke kububi bwabo.
Yohane Mubatishi alikubilisha nokubatisha muchiswebebe ati, “Lapileni nokubatishiwa ukuti Lesa amunakilile amabifyo enu.”
“Balishuka bo abakochula pamulandu wabulungami, pakuti ubufumu bwamumulu bwabo.
“Balishuka bo abayishiba ukuti balichula mumupashi, pakuti ubufumu bwakumulu bwabo.
Nalimupele inshita yakuti alapile, nomba tafwayapo ukulapila nokusha ubulale-lale bwakwe.
Nakambi Yesu asosele ati, “Ubufumu bwakumulu buli kubati kaluseke kamasitadi, ako umuntu abyele mwibala lyakwe.
Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.
Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe.
Languluka nomba ifyo wawa! Ulingile ukulapila nokupyunga imilimo iyo walikuchita pakutatika. Nga taulapilepo, nakwisa kufumya ichakutekapo inyali yobe pachifulo chachiko.
Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.
Natatikilepo ukushimikila mu Damasikasi nokuya mu Yelusalemu, namuchalo chonse icha Yudeya napakati kabenafyalo.
“Ubufumu bwakumulu buli kubati nimfumu imo iyapekanishishe umwana wayiko umutebeto wapabwinga.
“Pali njilya nshita, ubufumu bwakumulu bwakubati banansungu ikumi abapintile inyali shabo nokuya mukuchinsha nshibwinga.
“Ishamo kuli mwebo mwe basambishi ba Mafunde na Bafalisi, mwe bakutumpayika! Mulesala pamulyango wabufumu bwakumulu pakuti abantu bayinjilamo. Namwe tamwinjilamo, elo nabo abakofwaya ukwinjilamo mulabakanya. [
“Ubufumu bwakumulu buli kubati muntu umo uwafumine luchelo-chelo ukuti enjishe abamilimo mwibala lyakwe ilya mpesha.
Pantu ubufumu bwakumulu buli kubati nimfumu iyayitile abapyungi bayiko ukuti babweshe inkongole shabo kuli ye.
Nomba Yesu atatikile ukukalipila abantu bamumishi umo achitile imilimo iyafiso ifikulu iyinji pantu tabalapilepo iyowo.
Munshila imo yenka, ulo mwakubona mfi fintu fikochitika, mwakwishiba ukuti Ubufumu bwaku Lesa buli apepi.
“Elo umusambashi alyasukile ati, ‘Iyowo, mwe bata Abulahamu! Kano umo ukufuma kubafwa nga abuka ukuya kuli bo, elo bengachetekela.’
“Ubufumu bwakumulu bwakupalana nomuntu uwayile pabulwendo. Atalayima, ayitile abamilimo bakwe nokubapela ububoni bwakwe.
Nakambi Yesu abebele ichelusho nachimbi ati, “Ubufumu bwakumulu buli kubati muntu waminshile imbuto iiweme mwibala.
Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.
Akubwesha abantu abenji abana Isilaeli kuli Bashikulu Lesa wabo.
