Mateyo 10:2 - Chipangano Chabwangu

² Nga emashina abatumwa ikumi na babili: (Simoni uwitwa Petulo) na Andileya wakwe, Yemusi nawakwe Yohane bamwana Sebedi.

Mateyo 10:2 Referans Kwoze

Imilimo ya batumwa 1:13

Ulo bayinjile mumushi, bayile munanda muchipinda chapamulu umo balikwikala. Mba niba Petulo, Yohane, Yemusi, Andileya, Filipo na Tomasi, Mateyo, Yemusi mwana Alifeyo na Simoni uwachinchila na Yuda mwana Yakobe umbi.

Mateyo 4:21

Nakambi ulo Yesu aendeleko panini, abwene Yemusi mwana Sebedi na Yohane wakwe bali mubwato pamo nabawishibo, balikusosola amasumbu abo. Nabo alibetile.

Yohane 12:22

Elo Filipo aebele Andileya amashiwi nga, epo mba babili bayile eba Yesu.

Yohane 6:8

Umbi uwabakusambila bakwe uwitwa Andileya, wabo Simoni Petulo, asosele kuli Yesu ati,

Luka 5:10

Elo abanakwe bakwa Simoni, Yemusi na Yohane abana bakwa Sebedi, nabo balishimbilwe. Yesu asosele kuli Simoni ati, “Witina, ukufuma nomba wakuba umulofi wabantu.”

Mateyo 4:18

Ulo Yesu alikwenda mululamba lwaku Bemba wa Galili, abwene abalofi babili: Simoni (uwitwa Petulo), na Andileya wakwe, balikuteya isumbu muli bemba pakuti bali abalofi banswi.

Luka 11:49

Pali ngu mulandu, Lesa mumulangwe wakwe, asosele ati, ‘Nkoyisa kubatumina abasoseshi nabatumwa bambi bakubepaya, elo bambi nabo bakubachusha.’

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

2 Yohane 1:1

Nine nemukote, nkolembela umwanakashi uwasalwa na Lesa pamo nabana bakwe abo natemwesha. Tenepo nenka iyowo, kuntu nabonse abayishiba ichine balimutemwa.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Petulo 1:1

Nine Simoni Petulo umutumwa waku Yesu Klistu. Nkolembela abasalwa baku Lesa, abasalangana mubweni mufyalo fya Pontusi, Galatiya, Kapadosiya, Asiya namu Bitiniya.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Efeso 4:11

Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

1 Kolinto 15:7

Ukufumapo abonekele kuli Yemusi nakubatumwa bonse.

Imilimo ya batumwa 12:2

Yayipeye Yemusi, wabo waku Yohane, kumwele.

Imilimo ya batumwa 3:1

Akasuba kamo Petulo na Yohane bayile kunanda yaku Lesa mukulomba kwachungulo-kasuba.

Imilimo ya batumwa 1:26

Ulo bapwile ukulomba, bachitile bumwine-mano. Elo Matiyasi asalilwe. Ngu apendelwe pamo nabatumwa ikumi naumo.

Yohane 21:24

Uwakusambila ngu ewapele bukamboni kuli mfi fintu, nakambi nokufilemba ewafilembele. Epo twalishiba ukuti bukamboni bwakwe bwakwebesha.

Yohane 21:20

Petulo alyalukile nokubona uwakusambila umbi uwo Yesu atemenwe akomukonka. Engulya uwapalamine kuli Yesu ulo bali pakulya umulalilo uwakumupwilo, nokumufumba ati, “Bashikulu, mba niwisa uukoyisa kumwembula?”

Yohane 21:2

Simoni Petulo, Tomasi (Uyo uwalikwitwa Mpundu), na Natanayeli (uyo uwafumine ku Kana waku Galili), nabana baku Sebedi, nabambi babili abakusambila baku Yesu, bali pamo bonse.

Yohane 20:2

Alibutukile ulubilo nokwisa kuli Simoni Petulo nowakusambila umbi uwo Yesu atemenwe. Asosele kuli bo ati, “Balibafumishemo Bashikulu mumanda. Elo tatwishibilepo uko bababikile.”

Yohane 13:23

Umo uwabakusambila bakwe uwo Yesu atemenwe, ayikele apepi na Yesu.

Luka 22:14

Ulo inshita yafikile, Yesu abulile ichifulo chakwe petebulu pakulya pamo nabatumwa bakwe ikumi na babili.

Luka 22:8

Yesu atumine Petulo na Yohane nokubeba ati, “Kamuya mukatuwamishishe Chakulya Chakuchilila.”

Luka 9:10

Ulo abatumwa babwelele, baebele Yesu fyonse ifyo bachitile. Ye alibapintile apabenka kumushi uukoyitwa Betesaida.

Maliko 13:3

Ulo Yesu ayikele palupili lwa Maolife umulungatanya nenanda yaku Lesa, Petulo, Yemusi, Yohane na Andileya balikumufumba kumbali bati, “Twebeko, kanshi mfi fintu nilwisa fyakwisa kubako?

Maliko 1:29

Ulo bafumine munanda yakulombelamo Lesa, bayile kunanda yakwa Simoni na Andileya, bali pamo na Yemusi na Yohane.

Mateyo 26:37

Yesu abulilepo Petulo nabamwana Sebedi babili. Elo atatikile ukulilishika nokusakamikwa.

Mateyo 20:20

Elo bamuka Sebedi bayile kuli Yesu nabana babo babili. Balimufukamine ukuti bamulombepo ichintu chimo.

Mateyo 17:1

Ulo papitile inshiku shisano nabumo, Yesu abulile Petulo, Yemusi na Yohane wabo nokuya nabo kulupili ulutali apabenka.

Ukufisulula 22:8

Ninebo Yohane, ne waumfwile nokubona ifintu mfi. Ulo nafyumfwile nokufibona, nalifukeme pamakasa amungelo uyo uwanangile mfi ukuti mulombe.

Ukufisulula 1:1

Muli ndi buku emwalembwa ifintu Lesa afisulwile kuli Yesu Klistu. Lesa amufisulwile mfi ukuti alange abapyungi bakwe ifyakwisa kuchitika bwangu-bwangu. Klistu naye alishibishe umupyungi wakwe Yohane mfi fintu ulo atumine umungelo wakwe kuli ye.

3 Yohane 1:1

Nine nemukote, nkolembela Gayusi uyo natemwesha chine-chine.

Ukufisulula 18:20

Ulokusekelela wemulu pamulandu wakonaulwa kwauko! Sekeleni mwe bantu baku Lesa, abatumwa nabasoseshi bonse pakuti Lesa nomba awonaula ngu mushi pamulandu wamfilya wachitile kuli mwebo!

Maliko 6:30

Abatumwa babwelele kuli Yesu, nokumushimikila fyonse ifyo bachitile nefyo basambishe.

Yohane 6:67

Elo Yesu afumbile abakusambila ikumi na babili ati, “Napo namwe mukofwaya ukunsha?”

Yohane 6:70

Yesu abasukile ati, “Napo tenepo namusalile mwe bakusambila ikumi na babili? Nomba umo uwakumwebo nimbifi!”

Yohane 6:71

Alikusosa ifyaku Yuda, umwana Simoni Isikaliyoti. Pakuti Yuda, nangu kati ali umo uwabakusambila ikumi na babili, ewakwisa kumwembula.