Luka 9:3 - Chipangano Chabwangu

³ Asosele kuli bo ati, “Mwipintapo akantu pabulwendo bwenu, umusako, itumba, ifilyo nendalama. Nakambi mwipintapo nangu amalaya abili-abili.

Luka 9:3 Referans Kwoze

Luka 22:35

Elo Yesu afumbile abakusambila bakwe ati, “Ulo namutumine njilya nshita ukwambula ichikwama, itumba nangu inkwabilo, napo mwalichulilepo akantu?” Nabo bayasukile ati, “Tatwachulilepo akantu iyowo.”

2 Timoti 2:4

Tapapo umushilikali uukolwa inkondo uupunamina pafintu ifyakumushi pakuti akofwaya ukusekesha uyo uwamwinjishe milimo.

Luka 12:22

Nakambi Yesu asosele kubakusambila bakwe ati, “Mulokusakamanapo pabumi bwenu mwati, ‘Nindo tukolyapo,’ nangula pamubili wenu mwati, ‘Nindo tukofwalapo?’

Luka 3:11

Yohane ayasukile ati, “Uyo onse uuli neminjila ibili, apeleko uutakwetepo. Nangulya uukwete ichakulya achite mumo mwenka.”

Luka 12:28

Nomba nga Lesa alafwika mfi amaluba amumpanga aaliko lelo mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!

Luka 5:29

Elo Lefi atebetele Yesu ifyakulya ifinji munanda yakwe. Kwali ibumba ilikulu ilyabakusonkesha nabantu bambi abayikele pakulya.

Maliko 6:7

Elo Yesu ayitile abakusambila bakwe ikumi na babili. Atatikile nokubatuma babili-babili. Alibapele insambu ishakutamfishako mipashi iibi.

Luka 9:4

Konse uko bakumupokelela ikaleni muli njilya nanda ukufikila apo mwakufuminamo muli ngulya mushi.