Luka 8:15 - Chipangano Chabwangu

¹⁵ Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Luka 8:15 Referans Kwoze

Hebele 10:36

Mulingile ukushipa mukuchita ifikofwaya Lesa ukuti mukapokelele ifyo alayile.

Luka 6:45

Umuntu uuweme afumya mfilya ifyabuboni ifiweme ifili mumutima wakwe. Nomba umubi ye afumya mfilya ifibi ifyayiula mumutima wakwe. Pakuti umuntu asosa ifintu ifili mukati mumutima wakwe.

1 Yohane 2:3

Nga twakonka amafunde aku Lesa, ekwebati twashininkisha ukuti tulimwishibile.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

Yohane 14:15

“Nga mwalintemwa mwakulama amafunde anji.

Luka 11:28

Nomba Yesu alimwasukile ati, “Ina, ukuchilapo abashuka nimbalya abakoumfwa amashiwi aku Lesa nokuasunga!”

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

Loma 6:22

Nomba mwalilubulwa kububi, echo kamupyungila Lesa, nechilambu chenu bumi ubwakwipelesha kuli Ye. Elo kumupwilo mwakupoka ubumi butapwa.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Mateyo 24:13

Nomba uwakushipikisha ukufikila kumupwilo, ewakupuluka.

Hebele 2:1

Echo ifyo twaumfwile tulingile ukufisunga bwino-bwino ukutina ukwebati panini-panini kuti twafilufya.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

1 Kolinto 7:19

Ukushilimunwa nangu ukutashilimunwa takwalulapo kantu. Ichikulu kulama Amafunde aku Lesa.

Loma 7:18

Pakuti nalishiba ukwebati tamupo ichiweme mubuntunse bwanji iyowo. Pakuba nangu nkofwaya ukuchita ifilungeme, epela ndafilwa ukufichita.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Yemusi 1:4

Lekeni ukushipa nku kutwalilile ukwambula ukufilwa ukwebati mube abakaele nokufikapo, abatakokabilapo akantu akali konse.

Luka 8:14

Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Luka 8:16

“Tapapo umuntu uwasha inyali nokwifunikapo munongo, nangu ukubika mwifungu. Nomba alabika apasansukile pakuti abantu bonse balokwinjila munanda umwabuta.

Loma 8:25

Elo nga tukolindila icho tatulabonapo tulingile ukulindila nomutima-tenka.