Luka 8:14 - Chipangano Chabwangu

¹⁴ Imbuto shawile muminga, ebantu abomfwa amashiwi aku Lesa. Nomba amasakamiko nobusambashi namangalo aapanonshi, filabapulula, echo nefitwalo fyabo tafipyapo.

Luka 8:14 Referans Kwoze

1 Timoti 6:17

Ubebe ababuboni panonshi ukuti tabalingile ukuyitutumuna nangula ukuchetekela pabuboni bwabo ubutekalililapo. Nomba balingile ukuchetekela kuli Lesa uyo uutupela ifintu fyonse ukuti tusekele nafyo.

Maliko 4:19

kuntu pamulandu wamasakamiko amikalile yamuno chalo, nolunkumbwa lwabusambashi, ulunkumbwa lwafintu fimbi, fikoyinjilamo nokufininkisha amashiwi, epo tabatwalapo ifitwalo.

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Luka 21:34

“Ikaleni abayibukila! Muyiposa mukulya namukukolwa namumasakamiko yaku mbuno bumi, ichakuti nkalya kasuba keyisa kumupumikisha bwaka nokwikatwa

Luka 8:7

Shimbi shawile muminga, iminga yalikulile pamo nembuto nokushitabilisha.

2 Timoti 4:10

Pakuti Dimasi, pamulandu wakutemwa ifyapanonshi, alinshile nokuya ku Tesalonika. Kileseni ayile ku Galatiya, elo Taitasi ayile ku Dalumatiya.

Yohane 15:6

Kati umuntu takoyikalililapo muli nebo, akoposwa kunse kubati musambo uwaputulwa, elo akuuma. Imisambo iili mfilya abantu balayilonganya pamo nokuyiposa mumulilo elo ilapya.

Luka 16:13

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.”

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Luka 8:15

Nomba imbuto shawile mumushili uuweme ebantu abomfwa amashiwi aku Lesa nokuyasunga mumutima uuweme nakmbi uwachumfwila. Balapitilila ukufikila batwala nefitwalo.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.