Luka 8:12 - Chipangano Chabwangu

¹² Imbuto shawile munshila ebantu abakoumfwa amashiwi aku Lesa. Nomba Satana alesa nokufumyamo mumitima yabo ukuti bechetekelapo nokupuluka.

Luka 8:12 Referans Kwoze

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Maliko 4:15

Bambi abantu bali kubati nimbuto ishawile mumbali yanshila. Bwangu-bwangu ulo baumfwa amashiwi aku Lesa, penkapo Satana alesa nokusompolamo amashiwi ayaminswa mumitima yabo.

Mateyo 13:19

Inshita abantu bomfwa amashiwi aasoswa pafyabufumu bwaku Lesa, Satana alesa nokufumyamo ifyo baumfwa mumitima yabo. Nshi embuto shaminshilwe mumbali yanshila.

Luka 8:5

“Kwali umuntu uwayile mukuminsa imbuto. Ulo ali kuminsa, imbuto shimbi shawile munshila, balishinyantawile, elo nefyuni fyalishile nokushilya.

Mateyo 13:4

Ulo alikuminsa, imbuto shimbi shawile munshila, elo ifyuni fyalishile nokushilya.

Luka 8:11

“Ichelusho chikoyalula mfi: Imbuto eshiwi lyaku Lesa.

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.