Luka 8:10 - Chipangano Chabwangu

¹⁰ Yesu abasukile ati, “Kuli mwebo kwapelwa ifyamfiso ifyabufumu bwaku Lesa, ekuti kuli bambi nimufyelusho. Ukuti ukubona balikubona nomba tabalokubweneshapo, nokumfwa balikumfwa nomba tabalokumfwishapo.

Luka 8:10 Referans Kwoze

Maliko 4:11

Epo asosele kuli bo ati, “Kuli mwebo kwapelwa ichamfiso ichabufumu bwaku Lesa, ekwebati kuli mbalya abakunse, ifintu fyonse fikochitika mufyelusho.

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

Mateyo 16:17

Pakwasuka Yesu amwebele ati, “Walishuka Simoni mwana Yona, pantu temuntupo uwakufisulwila nchi iyowo, kuntu ni Bata bakumulu.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

1 Kolinto 12:11

Fyonse mfi Mupashi Wabuta ewubomba mubantu. Alaakanya chila muntu umo umwine afwayila.

Yohane 12:40

“Lesa abapofwisha amenso abo, nokwisala amano abo, ukuti amenso ebona, namano abo beumfwa, ukuti beyalukila kuli nebo, ukweba ati nandibo mbaposhe.”

Maliko 4:12

Ekwebati, ‘Ukulolesha nangu balolekeshe, lelo bebwenekesha, ukumfwa nangu bomfwe, lelo beumfwikisha, epali bayalukila kuli Lesa, naye angabanakilila.’”