Luka 7:13 - Chipangano Chabwangu

¹³ Ulo Bashikulu bamubwene, umutima wabo wayiketwe nenkumbu. Basosele kuli banyina ati, “Wilila.”

Luka 7:13 Referans Kwoze

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Luka 8:52

Abantu bonse balikulila nokulosha ngulya mwana. Elo Yesu asosele ati, “Lekeni ukulila, pakuba umwana tafwilepo, alele bwaka utulo!”

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Yohane 20:15

Yesu afumbile ati, “We mwanakashi, findo ukolila? Ninani ukofwaya?” Maliya alangulukile ukuti eye umulimi wamwibala. Elo asosele ati, “Mwe bashikulu, kati nimwe mumufumishemo, nangeni uko mumubikile ukwebati nje kumufumyako.”

Maliko 8:2

“Ndi nenkumbu nebumba ndi pakuti bayikala nandibo nomba inshiku shitatu. Epo tabakwetepo nefyakulya.

Yohane 11:2

Ngu Maliya engulya uwayitulwile amafuta anunkila pamakasa aaku Bashikulu nokusumuna nemishishi yakwe. Ndume yakwe Lasalo alilwele.)

Luka 24:34

Basosele ati, “Nachine Bashikulu balibukile! Baboneka nakuli Simoni!”

Luka 17:5

Elo abatumwa baebele Bashikulu ati, “Tukushisheniko ichichetekelo chesu!”

1 Kolinto 7:30

Bo abalila iminsoshi, babe kubati tabakolilapo, abasekelela babe kubati batakosekelelapo, abashita babe kubati tabakwetepo akantu nangu kamo.

Yohane 20:13

Balisosele kuli ye ati, “We mwanakashi, findo ukolila?” Naye abasukile ati, “Pakuti balibafumishe Bashikulu banji, tanshishibilepo noko bababikile!”

Luka 13:15

Elo Bashikulu balimwasukile ati, “Mwe bakutumpayika! Kanshi mukati kenu tekuti mukakulepo ing’ombe yenu nangula punda wenu mwichinka nokuyitwala mukunwa amenshi pakasuba ke Sabata?

Luka 10:1

Panuma yaku nchi, Bashikulu basalile abalalume bambi amakumi asano na abili nabantupo babili, nokuti batanjile babili-babili kumisumba nakufifulo fyonse umo umwine ali nokuya.

Luka 7:19

nokubatuma kuli Bashikulu Yesu mukufumba ati, “Napo niwe basosa ukuti alinokwisa nangula tuli nokulindilila umbi?”

1 Tesalonika 4:13

Mwe bawesu, tukofwaya ukumwebako pali mbalya abafwa ukuti mwilokusakamanapo ukubati nimulya abashikwete ukulolela mukubuka.

Luka 22:61

Bashikulu balyalukile nokulolesha pali Petulo. Elo Petulo ayibukishe ifyo Bashikulu basosele kuli ye ati, “Tambala atalalila mbuno bushiku, ukonkana imiku itatu ati tawanjishibapo.”

Luka 7:12

Ulo afikile mupepi napamulyango welinga lyamushi, Yesu akumenye abantu abatembele uwafwa. Ngu mwana umwalalume ali umo mpo muli banyina, bo abali nibachokolo. Abantu abenji abamumushi bali pamo nakwe.

Luka 7:14

Epo Bashikulu balipalamine nokwikata kumbokoshi yamfwa. Elo abatembele balimakene. Yesu asosele ati, “We mulumbwana, nkososa kuli webo nati, buka!”

Luka 11:1

Ubushiku bumo Yesu alimukulomba muchifulo chimo. Ulo ashilile, umo uwabakusambila bakwe aebele Yesu ati, “Bashikulu, tusambisheniko ukulomba kubati nimfilya Yohane asambishe abakusambila bakwe.”

Luka 11:39

Elo Yesu asosele ku Mufalisi ngulya ati, “Mwebo mwe Bafalisi, musamfya kunse yankombo nembale, nomba mukati kenu mwayiula bwaka ubuchenjeshi nobusali.

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Luka 17:6

Bashikulu bayasukile ati, “Nga mwakwete ichichetekelo ukubati uluseke lwamasitadi, kuti mwasosa kuli nchi chiti chakumalubeni mwati, ‘Shuluka ukayilimbe muli bemba!’ Nachine chakumumfwila.”

Luka 18:6

Bashikulu balipitilile mukusosa ati, “Mwaumfwa ifyo ngu mupingushi mubi asosele!

Luka 19:8

Naye Sakeyo alimine nokusosa kuli Bashikulu ati, “Umfweni, mwe Mfumu! Nakupela ichipande chabuboni bwanji. Fimbi mpeleko abachula, nakambi kati nalichenjelekapo umuntu uuli onse, nakumubweseshapo ukuchila imiku ine.”

Luka 24:3

Elo balinjile mukati kamanda, nomba tabasangilemo umubili waku Bashikulu Yesu.

Yohane 4:1

Nomba Abafalisi balyumfwile ukuti Yesu alikoobola nokubatisha abakusambila abenji ukuchila Yohane.

Yohane 6:23

Amato ambi aafumine ku Tibeliyasi, ayishile pachabu apepi napachifulo apo ibumba ilikulu lyalilile imifuba, ulo Bashikulu balombele kuli Lesa.

Yohane 11:3

Echo inkashi shakwe shatumine amashiwi kuli Yesu ati, “Bashikulu, chibusa wenu mulwele.”