Luka 6:8 - Chipangano Chabwangu

⁸ Yesu alishibile fyonse ifyo balikulanguluka. Asosele kumuntu wakuboko kwauminina ati, “Ima, isa nkuno kuntanshi.” Naye alimakene apo Yesu amwebele.

Luka 6:8 Referans Kwoze

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.

Mateyo 9:4

Bwangu-bwangu Yesu ayishibile ifyo balikulanguluka. Elo asosele kuli bo ati, “Nindo mukolangulukila ifibipile mumitima yenu?

1 Petulo 4:1

Kubati nimfilya Klistu achulile mumubili, namwebo muyikoseleshe namalangulushi enka ngalya. Pakuba uuchula mumubili wakwe ekwebati alekana namabifyo.

Hebele 4:13

Tapapo akantu akafisamika pamenso yaku Lesa, kuntu fyonse fyabafye palwalala nokufisuluka kuli Ye. Elo kuli Ye tulingile ukuebelela ifyo twachitile.

Filipi 1:28

Mwilokusuminishapo ukuti utupondo twenu tulokumutinya munshila iili yonse. Mfi fyonse fyakubashinina ukuti bo bakonaulwa, nomba mwe mwakupuluka. Lesa ewakumuchitila fyonse mfi.

Imilimo ya batumwa 26:26

Ba mfumu Agilipa, balishibile fyonse mfi. Emulandu nkososela nomutima umo. Nkochetekela ukuti mukoukonka bwino-bwino umulandu onse pakuti ichintu nchi tachachitikilepo mubumfinsolo iyowo.

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Yohane 21:17

Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Yohane 9:4

Apo kachili kasuba tulingile ukubomba imilimo iyaku ngulya uwantumine pantu ubushiku bukoyisa umo tutangabombamo.

Yohane 2:25

Elo tachafwayilwe umuntu uuli onse ukumubushako ifyakwikala kwabantu, pantu umwine alishibile ifyali mumitima yabo.

Luka 5:22

Yesu alishibile amalangulushi abo. Epo asosele ati, “Mba nindo mukolangulukila mfi mumitima yenu?

Luka 6:9

Yesu afumbile abalimo ati, “Napo chililingile pe Sabata. Napo chalilinga pe Sabata ukuchita ichiweme nangula ukuchita ichibipile? Ukupulusha ubumi bwamuntu nangula ukwipaya?”

Maliko 3:3

Epo asosele kumuntu uwali nechisansa ichauminina ati, “Ima, isa nkuno kuntanshi.”

Luka 13:12

Ulo Yesu amubwene, alimwitile. Elo amwebele ati, “We mwanakashi, wakakulwa kubulwele bobe!”