Luka 3:16 - Chipangano Chabwangu

¹⁶ Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo.

Luka 3:16 Referans Kwoze

Imilimo ya batumwa 1:5

Yohane alikubatisha mumenshi, kuntu munshiku ishinini mwebo mwakubatishiwa no Mupashi Wabuta.”

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Yohane 1:33

Nangu chali mfi, nebo nshamwishibilepo ati eye. Nomba Lesa, uwantumine ukubatisha namenshi, ewasosele kuli nebo ati, ‘Ulo wakwisa kubona Mupashi Wabuta ukufuma kumulu nokwikala pamuntu, ngu eye uwakwisa mukubatisha no Mupashi Wabuta.’

Yohane 1:26

Yohane alyasukile ati, “Nebo nkobatisha namenshi bwaka, kuntu mukati kenu emo ali umo uwimakene uwo muteshibilepo.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

Imilimo ya batumwa 2:33

Elo Yesu alisumbwilwe nokwikala kukulyo ukwaku Lesa Wishi. Apokelele kuli Ye Umupashi Wabuta kubati nimfilya amulayile. Kanshi mfi mukobona nokumfwa bupe ubo Yesu apungwila pali fwe.

Yohane 7:38

Kubati nimulya Amalembo Apatulika asosele ati, ‘Uyo onse uwakuchetekela muli nebo, inika yamenshi aabumi yakukunka ukufuma muli ye.’”

Imilimo ya batumwa 10:44

Ulo Petulo alimukusosa, Mupashi Wabuta awilile pali bo bonse abalikumfwako kumashiwi nga.

Mateyo 3:12

Alikwete nolupe muminwe yakwe ulwakwelelako tiligu. Elo akututila tiligu mubutala bwakwe, kuntu imisungu mumulilo uutashimapo.”

Yohane 1:27

Uyo uwakwisa panuma yanji, nebo tanshilingilepo nokukakula ulushinga lwankwabilo shakwe.”