Luka 24:4 - Chipangano Chabwangu

⁴ Balimakene mpalya nokushimbwa pali nchi. Bwangu-bwangu abalalume babili abafwite ifyabekesha bayimakene nabo.

Luka 24:4 Referans Kwoze

Maliko 16:5

Penkapo bayinjile mumanda, babwene umulumbwana ekele kulubali lwaku mulyo, afwite nelaya ilitubile, nokupapuka balipapukile.

Imilimo ya batumwa 1:10

Ulo bali kulolekesha kumulu uko Yesu alikuya, abalalume babili abafwite ifitubile bayishile kwimakana apo bali.

Luka 2:9

Umungelo waku Lesa alibonekele kuli bo, epo nomuchinshi waku Bashikulu walibasanikile. Elo balitinine ukwinekantu.

Luka 24:5

Epo abanakashi mba bali nomwenso uukulu, nokwinama panshi. Elo abalalume basosele kuli bo ati, “Nindo mukofwayila umuntu uwabumi mukati kabafwa?

Imilimo ya batumwa 12:7

Bwangu-bwangu kwafikile umungelo waku Bashikulu. Elo ukusanika ukukulu kwabutishe muchifungo. Elo asunkenye Petulo pamabeya nokumubusha mutulo. Elo asosele ati, “Ima bwangu!” Penkapo iminyololo akakilwe kumaboko yaponene napanshi ukufuma kuli ye.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.