Luka 22:57 - Chipangano Chabwangu

⁵⁷ Nomba Petulo alikene ati, “We mwanakashi, nshamwishibapo nokumwishiba!”

Luka 22:57 Referans Kwoze

1 Yohane 1:9

Lelo nga twaebelela ububi bwesu kuli Lesa, ena wachishinka nakambi aba uwalungama, akatwelela ububi bwesu nokutuwamya kufyo tubifya.

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Yohane 18:27

Nakambi Petulo alikene. Bwangu-bwangu tambala alililile.

Yohane 18:25

Ulo Simoni Petulo ayimakene akoonta umulilo, bambi balimufumbile ati, “Napo tewepo umo uwabakusambila bakwe?” Nomba alikene nokuti, “Tenepo iyowo.”

Luka 12:9

Nomba onse uwakunkana pamenso abantu, Umwana wa Muntu naye akwisa kumukana pamenso abangelo baku Lesa.

Mateyo 26:70

Nomba Petulo alikene kabomfwileko bonse ati, “Webo, nshishibilepo icho ukusosa iyowo.”

Mateyo 10:33

Nomba onse uwakunkana pamenso abantu, nandibo nakwisa kumukana pamenso aku Bata bakumulu.

Luka 22:56

Ulo umo uwabapyungi abanansungu abwene Petulo alikele pamulilo, alimulolekeshe nokusosa ati, “Ngu muntu naye aali pamo na Yesu!”

Luka 22:58

Panuma ulo papitile akashita kanini, umbi umwalalume naye alimubwene Petulo nokwebati, “Namwe muli umo waku mba!” Petulo alyasukile ati, “We mwalalume, tenepo!”