8 Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.
Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.
Mwileka umuntu nangu umo amubepepo munshila shonse pantu nkalya kasuba akatalayisa kufika kwakuba ukwalukila ubufumu bwaku Lesa. Elo umuntu uubipile ngulya akuboneka apatubile tuutu, elo akonaulwa.
Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.
Kwakuboneka abasoseshi ababufi abenji, abakupulula abantu abenji.
Nomba abantu ababipa nababufi bakubipilako bwaka. Bakubepa bambi nokwibepa benka.
Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.
Kwakwisa kuba bamo abakusosa kuli mwebo bati, ‘Lolesheni ngulya nkulya.’ Nangula, ‘Boneni ali nkuno!’ Nomba mwiyako mukubona.
Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.
Ukufuma pali njilya nshita, Yesu atatikile ukubilisha ati, “Lapileni pantu ubufumu bwakumulu bwapalamina.”
Alishuka umuntu upenda ibuku ndi. Balishuka nabo abomfwa amashiwi amuli ndi buku nokulama ifyalembwamo. Pakuti inshita iyo fyakuchitikilamo fyonse mfi ili apepi.
Efyo nebo namwebele ukuti mwebo mwakwisa kufwila mumabifyo enu. Kati tamukonchetekelapo nga umo nabela, mwakufwa. Elo amabifyo enu takanakililwepo.”
Nebo nayisa munsambu shaku Bata, kuntu tamwampokelelapo iyowo. Ulo umuntu umbi akwisa munsambu shakwe umwine, mwakwisa kumupokelela.
“Lapileni pantu ubufumu bwakumulu bwapalamina!”
Elo bafumbile Yesu ati, “We musambishi, nilwisa mfi fintu fyakwisa kubako? Chishibilo ndo chakubako?”
Mwilenga mube nomwenso ulo mwakumfwa ilyashi lyankondo nefyafitala muchalo. Mfi fili nokwisa kuchitika, kuntu tafikoyalulapo ati ukushila kwachalo kwapalamina.”
Pamulandu ngu, echo asosele kuli bo ati, “Ulo mwakwimya Umwana wa Muntu pamutashi mwakwishiba ati nine. Mwakwisa kwishiba ati nebo tanshichitapo akantu nangu kamo munsambu shanji, kuntu nchita bwaka ifyo Bata banjebele.
Napo tamwishibilepo ukuti imbifi tashakabonepo ubufumu bwaku Lesa? Mwilokuyibepapo, abachende, abalomba tungosa wakubasa, inchechemeshi, abaulungana nabalalume banabo,