Luka 2:10 - Chipangano Chabwangu

¹⁰ Umungelo asosele kuli bo ati, “Mwitina! Pakuti namuletela mwebo ilyashi iliweme, ilyakusekelela ukukulu ukukoyisa kuba kubantu bonse.

Luka 2:10 Referans Kwoze

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Mateyo 14:27

Bwangu-bwangu Yesu asosele kuli bo ati, “Shipeni, nine, mwitina!”

Luka 1:30

Elo umungelo asosele ati, “Witina Maliya. Wasanga ishuko kuli Lesa.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Imilimo ya batumwa 13:32

Echo fwebo twishile nkuno mukubilisha Ubutumi Bwawama mbu ubwakuti ifyo Lesa alayile kufikolwe fyesu

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Luka 8:1

Ulo papitile inshita, Yesu alikwenda mumishi iikulu namumishi iinini, mukubilisha Ubutumi Bwawama ubwa Bufumu bwaku Lesa. Abakusambila ikumi na babili bayile nakwe.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Luka 1:19

Elo umungelo amwasukile ati, “Nebo nine Gabuliele, ne wimakana pachinso chaku Lesa uyo uuntumine mukukweba nji mbila iiweme.

Luka 1:13

Nomba umungelo amwebele ati, “Witina, Sekaliya! Lesa alyumfwile ukulomba kobe. Echo nomukashi obe Elisabeti akoyisa kukufyalila umwana umwalalume. Ukoyisa kumwinika ishina lyakwe Yohane.

Maliko 1:15

Asosele ati, “Inshita yafika, nobufumu bwaku Lesa bwapalamina. Pilibukeni imitima nokuchetekela mu Butumi Bwawama!”

Loma 10:15

Elo kuti babilisha shani nga tabatuminwepo? Ukubati nimfilya Amalembo asosa ati, “Ukuwama amakasa aambo abaleta Ubutumi Bwawama!”

Maliko 16:15

Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse.

Mateyo 28:5

Elo umungelo asoseshe abanakashi ati, “Mwitinapo iyowo, pantu ndishibile ukweba mukofwaya Yesu uwasamikilwe pamutashi.

Luka 2:11

Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu!