Luka 18:7 - Chipangano Chabwangu

⁷ Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

Luka 18:7 Referans Kwoze

2 Petulo 3:9

Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.

Luka 11:13

Nomba nga mwebo mwe babi mfi mwalishiba ukopela abana benu ifiweme, mba Bawishinwe aba mumulu kuti bafilwa shani kupela Umupashi Wabuta kuli bo abakomulomba!”

1 Timoti 5:5

Nomba umwanakashi chokolo umwinenene, uutakwetepo nangu umo uwakumwafwako, nga abika ichichetekelo chakwe muli Lesa epela. Elo alalomba ukwambula ukuleka ubushiku nakasuba ukuti Lesa amwafwe.

Ukufisulula 6:10

Babilikishe neshiwi ilikulu bati, “Bashikulu abachine, mwakubalekelela ukushinta lwisa ukubapingula nokubakanda abantu abekala panonshi abo abatwipeye?”

2 Tesalonika 1:6

Nachine Lesa akuchita ichilungeme mukubika amachushi pali bo abakomuchusha.

Luka 2:37

Epo alikele bumukamfwilwa imyaka amakumi asano na atatu nayine. Talikufumako kunanda yaku Lesa. Ali uwakupyungila Lesa akasuba nobushiku. Alikulomba nokwiikanya ukulya.

Mateyo 7:11

Nomba nga mwebo mwebabi mfi, mwalishiba ukupela abana benu ifiweme, mba Bawishinwe abakumulu kuti bafilwa shani ukupela ifintu ifiweme kuli bo abakobalomba?

Ukufisulula 18:20

Ulokusekelela wemulu pamulandu wakonaulwa kwauko! Sekeleni mwe bantu baku Lesa, abatumwa nabasoseshi bonse pakuti Lesa nomba awonaula ngu mushi pamulandu wamfilya wachitile kuli mwebo!

1 Tesalonika 3:10

Nomutima onse tulalomba Lesa ukuti tukabonane namenso nokwisalundako kuli fyonse ififwayikwa kuchichetekelo chenu.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

Loma 8:33

Mba ninani uwingapela umulandu kubasalwa baku Lesa? Lesa umwine alibalungamikile.

Ukufisulula 7:15

Echo bali pantanshi yamupando wabufumu bwaku Lesa, balamulomba akasuba nobushiku munanda yakwe. Ngulya uwayikala pamupando wabufumu bakuba nakwe nokubachingilila.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

2 Timoti 1:3

Nkototela Lesa uyo mombela nomutima wabuta kubati nimfilya fyachitile ifikolwe fyanji. Ndatotela ulo nkokulanguluka mumapepo anji akasuba nobushiku.

Mateyo 24:22

Nga chakuti Lesa tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, Lesa akwipifyako inshiku nshilya.

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Luka 21:28

Ulo mfi fyakuchitika imakaneni, musansule imitwi yenu pakuti ukupuluka kwenu kwafika apepi.”

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

1 Petulo 1:1

Nine Simoni Petulo umutumwa waku Yesu Klistu. Nkolembela abasalwa baku Lesa, abasalangana mubweni mufyalo fya Pontusi, Galatiya, Kapadosiya, Asiya namu Bitiniya.