Luka 17:2 - Chipangano Chabwangu

² Nga chalinga ukumukakila ichilibwe chakupelako mumukoshi wakwe nokuposwa muli bemba, ukuchila ukulenga umo uwaku mba abanini ukubifya.

Luka 17:2 Referans Kwoze

Maliko 9:42

“Kati umuntu akulenga umo uwaku mba bana banini ukuposa ichichetekelo muli nebo, chamulinga ukumukakila ichilibwe chakupelako mumukoshi wakwe nokumuposa mwitenga lyamenshi.

Mateyo 18:14

Efyo na Bata abali kumulu tabafwayapo umo uwabana mba abanini ukuti alube.

Mateyo 18:10

“Chenjeleni ukuti mwisulapo umo uwabana mba abanini. Nachine nkomweba ati, abangelo babo abakumulu baba pantanshi yaku Bata abali kumulu inshita shonse. [

1 Kolinto 9:22

Kubanaka muchichetekelo, ndekala kubati nibo ukwebati mbanonke. Kubantu bonse ndekala kubati nibo ukwebati nonkepo bambi pali bo.

Mateyo 26:24

Umwana wa Muntu akoya mukufwa nga mfilya chalembwa mu Mashiwi aku Lesa pali Ye. Nomba ishamo kumuntu uyo ukoyembula Mwana wa Muntu! Nga chaliweme kuli ye ukutafyalwapo.”

1 Kolinto 9:15

Echo nebo nshabomfeshepo insambu nshi. Elo tanshikolembelapo kalata nji ukufwaya ukubomfya insambu nshi. Nomba kuti nafwa bwaka muchifulo chakuti umo afumye icho njitakishapo.

Yohane 21:15

Panuma yakulya Yesu asosele kuli Petulo ati, “Simoni mwana Yohane, napo walintemwa ukuchila mba?” Simoni alyasukile ati, “Ina Bashikulu, mwebo mwalishiba ati nalimutemwa.” Elo Yesu amwebele ati, “Lisha twana twambelele shanji.”

Mateyo 17:27

Nomba pakuti abantu befulwapo, koya kuli bemba ukateye indobani. Inswi iyo ukoya kubalilapo ukuloba, ukayichenamune akanwa, elo wakusangamo indalama. Ukashipinte indalama nshilya nokuya tula umusonko wanji nowobe.”