Luka 16:9 - Chipangano Chabwangu

⁹ Nakambi Yesu alipitilile mukusosa ati, “Nachine nkomweba ati, ichitileni ifibusa pabuboni bwamuchalo ukuti ulo mfi fyakupita, mwakuya kupokelelwa mumananda yamabelo.

Luka 16:9 Referans Kwoze

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Mateyo 6:24

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.

Luka 16:11

Nga tamukoba abachetekelwapo pakusunga ububoni bwamuchalo, mba kuti mwaba abakwebesha shani pakusunga ububoni bwinenene?

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 11:41

Nomba peleni ifili munkombo namumbale kubachula, epo nefintu fyonse fyakuba ifiweme kuli mwe.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Luka 16:13

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.”

Imilimo ya batumwa 10:31

Elo asosele ati, ‘Koneliyasi! Lesa alyumfwile ukulomba kobe nemilimo yobe iyakwafwilisha iyo ukochita.

Mateyo 6:19

“Muyibikilapo ububoni bwenu panonshi, apo finamupapila nendalabwa fyonaula, nabang’o nabo balatoba nokwiba.

Yuda 1:21

Ikaleni mukutemwa kwaku Lesa ulo mukolindila ubumi butapwa ubo Bashikulu wesu Yesu Klistu akaya kupela muchisa chakwe.

Imilimo ya batumwa 10:4

Ulo Koneliyasi abwene umungelo ngu, alitinine nokusosa ati, “Nindo bamfumu?” Elo umungelo asosele kuli ye ati, “Lesa atemwa ukulomba kobe pamo nemilimo yobe iyakwafwilisha iyo ukochita. Echo akofwaya ukukwasuka.

Luka 16:4

Nomba nayishiba ifyo ndinokuchita! Kanshi ulo inchito yanji yakushila, nakukwata ifibusa ifyakuya kumpokelela mumananda abo.’