Luka 16:1 - Chipangano Chabwangu

¹ Yesu asosele kubakusambila bakwe ati, “Kwalipo umusambashi umo uwali nomupyungi uwalikusunga ifipe fyakwe. Umusambashi ngu balimwebele ifyo ngulya mupyungi alikumuposela ububoni bwakwe.

Luka 16:1 Referans Kwoze

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.

Luka 12:42

Bashikulu balimwasukile ati, “Kanshi, ninani uwingaba uwakuchetekela nowamano? Ningulya uwo wishikulu akusonta ukuba umukulu pali bonse, mukuba uwakupela ifyakulya kubamilimo bonse panshita yalinga.

Yemusi 4:3

Nangu amwalomba tamupokelapo, pantu tamulombapo bwino. Ifyo mulomba mufwaya ukuposa bwaka pafintu ifingamusangalasha epela.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Luka 15:30

Nomba ngu umwana wenu uwaonawile ububoni bwenu bonse munshila yabumafyafya, ulo abwelela, mwamwipayila umwana wang’ombe uwanona!

Luka 15:13

Panuma yanshiku shinini bwaka, umwayiche alongenye pamo ifyabuboni bwakwe, elo afumine mumushi nokuya kuchalo chakutali. Nkulya ayile kuposayila ububoni bwakwe bonse munjikalo iyabumafyafya.

Luka 19:20

Umupyungi uwakulekelesha naye alishile nokuti, ‘Mwe mfumu, indalama yenu ninji. Naliyikakilile kukasalu nokuyisunga.

Luka 16:19

“Kwalipo umuntu umusambashi uwalikufwala amalaya ayamutengo. Ali nenjikalo iyakuyisekesha nokulya ifiweme munshiku shonse.

Luka 8:3

Yoana, umukashi wakwa Chusa kabilo wamfumu Helodi, Susana nabambi abenji abanakashi abalikupela ubupe ubwakwafwilisha Yesu nabakusambila bakwe.

Mateyo 20:8

“Ulo kwali ichingulo, umwine webala aeba kapitawo ati, ‘Kete abamilimo, ubafoleshe, ukubalila pabakulekelesha, elo ulekeleshe ukulipila abakwamba.’

Luka 16:2

Elo nomba alimwitile nokumweba ati, ‘Mba chindo nchi nkoumfwa pali we? Njeba bwino-bwino ifyo usunga ububoni bwanji pantu tawabepo umubomfi nakambi.’