Luka 15:2 - Chipangano Chabwangu

² Elo Abafalisi nabasambishi ba Mafunde batatikile ukuyilishanya bati, “Ngu muntu akopokelela nabantu ababa mfi nokulya nabo!”

Luka 15:2 Referans Kwoze

Mateyo 9:11

Ulo Abafalisi babwene mfilya, basosele kubakusambila bakwe ati, “Mba nindo umusambishi wenu akolila pamo nabakasonkesha nabatasunga Mafunde akwa Mosesi?”

Luka 19:7

Ulo abantu bamubwene, batatikile ukuyilishanya bati, “Ngu muntu ayinjila munanda nokwikala pamo nembifi!”

Luka 7:39

Ulo Umufalisi uwayitile Yesu abwene mfi, alangulukile ati, “Ngu muntu nga aaba ati musoseshi, nga alishibile ifyo mwanakashi uukomukumya aba, nga ngu ayishiba ukuti nimbifi!”

Luka 5:30

Bambi Abafalisi nabasambishi ba Mafunde baliyilishenye kubakusambila bakwe ati, “Mba nindo mukolila nokunwena pamo nabakasonkesha nembifi?”

Imilimo ya batumwa 11:3

“Mulandu ndo wayile kwikala kubantu abatashilimunwa nokulya nabo?”

Luka 7:34

Elo Umwana wa Muntu alishile, alikulya nokunwa. Mwebo mwasosele ati, ‘Boneni ngu muntu! Wakumutoba, nichakolwa, nakambi nichibusa wabamisonko nembifi.’

Galatiya 2:12

Ulo tabalafika abantu abatuminwe na Yemusi, Petulo alikulya nabenafyalo. Nomba ulo bafikile, aliyipatulwile. Talikufwayapo ukulya nabo pakuti alikutina bantu abalikufwaya ukuti abenafyalo bashilimunwe.

Mateyo 11:19

Elo Umwana wa Muntu ayishile, alikulya nokunwa. Abantu bonse baebele ati, ‘Boneni ngu muntu! Wakumutoba, nichakolwa nakambi nichibusa wabamisonko nembifi!’ Nomba umulangwe waku Lesa ulaboneka ukuba uwachine kumilimo yauko.”

Luka 15:3

Elo Yesu abebele nchi chelusho,

1 Timoti 1:15

Amashiwi aachine aalingile ukuchetekela ninga aakososa ati: Klistu Yesu ayishile panonshi ukupulusha imbifi. Echo nebo nalichilapo pali shonse.