Luka 11:4 - Chipangano Chabwangu

⁴ Mutunakilileko amabifyo esu, ukubati nimfilya tunakilila bonse abatubifisha. Mwitulekelesha mukwesheka!’”

Luka 11:4 Referans Kwoze

Mateyo 26:41

Kanshi mwafilwa ukulola pakashita akanini bwaka? Umutima ukofwayisha, kuntu umubili uli wanaka.”

Kolose 3:13

Mulokushipikisha kumisango yabanenu. Mulokunakilana nga mfilya Bashikulu bamunakilile.

Mateyo 18:35

“Efyo namwe bakumuchitila Bata abakumulu nga tamukonakililapo wenu nomutima onse.”

Yemusi 2:13

Pakuti umuntu uupingula ukwambula inkumbu, Lesa naye akumupingula ukwambula inkumbu. Nomba Ye uukwatila inkumbu, tapapo umulandu wakuti engatinapo ukupingula kwaku Lesa.

2 Timoti 4:18

Bashikulu bakumpulusha kububi bonse ukuti nkenjile mubufumu bwabo ubwakumulu. Kuli bo kube ubuleme umuyayaya. Ameni.

2 Tesalonika 3:3

Nomba Bashikulu bachishinka, bakulamukoselesha nokumuchingilila kuli njilya mbifi.

1 Kolinto 10:13

Ukwesheka uko mwebo mwabona, takupusenepo nokweshekwa uko abantu bonse babona. Lesa wachine. Echo tekuti amulekeleshepo ukweshekwa ukuchila pafiso fyenu. Nga mwayeshekwa, umwine akumupela inshila yakupulukilamo, pakumupela ifiso ifyakwebati mushipikishe.

Yohane 17:15

Tanshikolombapo ukuti mubafumyemo muli nchino chalo iyowo, kuntu ukuti mubachingilile kumubi ngulya.

Luka 22:46

Elo asosele ati, “Nindo mwalalila? Bukeni nokulomba ukuti mwiwila mukweshewa.”

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Ukufisulula 3:10

Pakuti walilama amashiwi anji nokushipikisha, nandibo nakukusunga panshita iyamafya ayo ayakwisa pabantu bonse pachalo ukuti beshekwe.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.

Luka 11:5

Nakambi Yesu asosele kubakusambila bakwe ati, “Kati umo uwaku mwebo aya kunanda yakuchibusa wakwe pakati kabushiku nokuti kuli ye, ‘Nkongolako imifuba itatu.

Luka 13:4

Mba balya bantu ikumi na basano na batatu abamu Siloamu abafwile ulo ichiteba chabawilile? Napo mwebo mukolanguluka ukuti mba bali ababi ukuchila abantu bonse abali mu Yelusalemu?