Luka 10:42 - Chipangano Chabwangu

⁴² kuntu ichikofwayikwa chimo bwaka. Pakuba Maliya asala ichintu chimo ichiweme, icho ichitayise kupokwa kuli ye.”

Luka 10:42 Referans Kwoze

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Maliko 8:36

Ngo muntu chikomwafwa shani nga anonka ichalo chonse, elo aposa ubumi bwakwe?

Luka 8:18

“Nomba chenjeleni nefyo mukoumfwa, pakuti ukwete akubikilwapo. Nomba ukwete kanini akupokwa nako akwete.”

Luka 12:20

Nomba Lesa asosele kuli ye ati, ‘Wechipuba webo! Muli bwenka mbuno bushiku ubumi bobe bwashila. Mba ninani wakwisa kubula ifintu fyobe fyonse ifyo wayisungila?’”

1 Kolinto 13:3

Nangu ningapela abachula ububoni bwanji bonse, nangu ukupela umubili ukuti bawoche, nga nshikwetepo ukutemwa, tapapo akanji.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 16:25

“Nomba Abulahamu asosele ati, ‘We mwana wanji, ibukisha, mubumi bobe bonse walipelwe ifiweme fyenka, kuntu Lasalo ena ifibi. Nomba ye alimukusekelela nkuno, webo ukochula.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Luka 16:2

Elo nomba alimwitile nokumweba ati, ‘Mba chindo nchi nkoumfwa pali we? Njeba bwino-bwino ifyo usunga ububoni bwanji pantu tawabepo umubomfi nakambi.’

Luka 10:39

Malita naye akwete inkashi inakwe iyalikwitwa Maliya. Eye wayikele apepi kumakasa aku Bashikulu nokumfwa kukusambisha kwabo.

Luka 11:1

Ubushiku bumo Yesu alimukulomba muchifulo chimo. Ulo ashilile, umo uwabakusambila bakwe aebele Yesu ati, “Bashikulu, tusambisheniko ukulomba kubati nimfilya Yohane asambishe abakusambila bakwe.”

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 11:1

Kwali umwalalume umo uwalikulwala, uwalikwitwa Lasalo. Alikwikala mumushi wa Betaniya. Wali emushi uwalikwikalamo Maliya nenkashi inakwe Malita. (

Yohane 11:19

Abena Yudeya abenji balishile mukubona Malita na Maliya, mukubashinshita pamulandu wamfwa yakwa ndume yabo.

Yohane 12:3

Elo Maliya abulile umusashi wamafuta aabwema bwawama ayapangilwe na naladi nokuyetulwila pamakasa aku Yesu. Elo ayasumwine nemishishi yakwe. Inanda yonse yayiwilemo nobwema bwamafuta aanunkila bwino ngalya.