Luka 10:3 - Chipangano Chabwangu

³ Kamuyeni! Nkomutuma mwebo kubati bana bambelele pakati kamimbulu.

Luka 10:3 Referans Kwoze

Mateyo 10:16

“Umfweni! Nkomutuma ukubati nimbelele pakati kamimbulu. Echo chenjeleni kubati ninsoka nakambi mufuke imitima kubati ninkunda.

Imilimo ya batumwa 20:29

Ukuba ndishibile ukwebati nga naya, imimbulu iikali yakumwinjilila nokutapa umukuni waku Klistu.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Mateyo 10:22

Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Imilimo ya batumwa 9:2

mukupapata amakalata akuya kulanga kufilonganino fya Bayuda mumusumba waku Damasikasi. Alikufwaya ukuti nga asanga abalekonka Inshila yaku Bashikulu Yesu, akabekate nokubakaka bonse, abalalume nabanakashi, nokubatwala ku Yelusalemu.

Yohane 10:12

Umuntu uwamilimo, uutali chembela uuweme nakambi tashilipo nimbelele shakwe, ulo abona umumbulu akoyisa, alashisha imbelele nokubutuka. Echo umumbulu ulashisumaula nokushipalanganya.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

Luka 10:4

Mwipintapo chikwama chandalama, itumba lyakupulilamo nangula inkwabilo. Nakambi mulokuposa inshita mukuposhanya umutende panshila.