Loma 8:5 - Chipangano Chabwangu

⁵ Abantunse bafwaya ifyapanonshi, kuntu abo abatungululwa no Mupashi Wabuta babika imitima yabo pali mfilya ififwaya Umupashi.

Loma 8:5 Referans Kwoze

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

Yohane 3:6

Uufyalwa kumuntu muntu, kuntu uufyalwa ku Mupashi Wabuta wamupashi.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Maliko 8:33

Nomba Yesu alyalukile nokulolesha pabakusambila bakwe, nokwebaula Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu!”

2 Kolinto 10:3

Nangu twikala panonshi, tatulwapo ulubuli kubati bantunse.

2 Petulo 2:10

Ukuchilapo akupela umulandu abafunga ifibi ifyabuntunse nokusuula bakateka. Mba basambishi ababufi baba abashipa nakambi bankalwe, abatachinshikapo abansambu abakumulu. Elo balabatuka. Nangu bangelo abafiso ukuchila mba pachinso chaku Lesa.

Efeso 5:9

Pakuba apali ukusanika pasangwapo ubune, ubulungami nefyachine fyonse.

1 Kolinto 15:48

Abantu bonse abapanonshi balilingana na Adamu ngulya uwabumbilwe kwiloba. Nomba bonse abakumulu, balilingana na Klistu uwakumulu.

Galatiya 5:17

Pakuba ifyo ubuntunse bwesu bufwaya nefyo Umupashi Wabuta ufwaya fyalipusana. Mfi fibili fyalipatana ichakuti tekuti muchite ifiweme ifyo mufwaya ukuchita.