Loma 8:3 - Chipangano Chabwangu

³ Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Loma 8:3 Referans Kwoze

Imilimo ya batumwa 13:39

Echo mwishibe ukuti umuntu onse uchetekela Yesu alakakulwa kububifi bonse ubo Amafunde akwa Mosesi afililwe ukumufumyamo.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Hebele 10:14

Nechipupo chimo bwaka alengele abakaele umuyayaya bonse abo awamishe kufibi.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

Galatiya 3:21

Napo ekwebati Amafunde akolengulula afilayo ifyaku Lesa? Nangu panini. Nga chakuti abantu kuti baba nobumi pamulandu wakulama Amafunde, nga bonse bali abalungama ukupitila mumafunde.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

Filipi 2:7

Alekele fyonse nokuba umusha, ulo ayishile kuba umo pakati kesu.

Hebele 10:12

Nomba Klistu alipele ichipupo chimo chenka ichafutile amabifyo onse. Ichipupo nchi chalikumanina inshita shonse. Panuma ayile kwikala kukuboko ukwamulyo kwaku Lesa.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Loma 9:3

Ukuba nga chali ichiweme ichakuti nebo bandapisha bwaka kuli Lesa ukuti nimba uwaku Klistu muchifulo ichabamukowa wanji.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 9:24

Inshita iyachibili bayitile ngulya muntu uwafyelwe impofu nokuti kuli ye, “Laya kuli Lesa ukuti webo ukososa ukwebesha! Fwebo tulishibile ukuti ngu muntu uukuposeshe nimbifi.”

Maliko 15:27

Basamikilepo notupondo tubili pamo na Yesu, kamo kumulyo, kambi nako kuchipiko. [

Loma 7:18

Pakuti nalishiba ukwebati tamupo ichiweme mubuntunse bwanji iyowo. Pakuba nangu nkofwaya ukuchita ifilungeme, epela ndafilwa ukufichita.