Loma 8:1 - Chipangano Chabwangu

¹ Nomba kuli bo abachetekela muli Klistu Yesu takupo umulandu.

Loma 8:1 Referans Kwoze

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 15:4

Ikalilileni muli nebo, nandibo muli mwebo. Ukubati nimfilya umusambo tekuti utwalepo ifitwalo apawenka nga taulipo kuchiti ichikulu, namwebo tekuti mutwalepo ifitwalo nga tamukoyikalapo muli ne.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Loma 8:14

Abo bonse abatungululwa no Mupashi Wabuta bana baku Lesa.

1 Kolinto 15:22

Ukubati fintu abantu bonse bafwa pamulandu wakwa Adamu, efyo abantu bonse bakubuka kubumi pamulandu waku Klistu.

Galatiya 5:16

Icho nkososa chakuti lekeni Umupashi Wabuta ulemutungulula. Elo tamwakulakonkapo imibele yenu iyabuntunse.

Loma 8:4

Lesa achitile mfi ukuti ubulungami ubo ubukososwa na Amafunde akwa Mosesi, buboneke muli fwe. Echo tatwendapo kubati bantunse abatemwa ifyapanonshi, kuntu twatungululwa no Mupashi Wabuta.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

Galatiya 5:25

Nga chakuti Umupashi Wabuta ewatupela ubumi, kanshi ewulingile ukututungulula.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Loma 7:20

Nga nebo nkochita ifyo nshikofwayapo ukuchita, ekwebati tenepo nchita mfi iyowo, kuntu ububi ubwaba muli ne.

Loma 7:17

Echo tenepo nchita ifyo nchita, kuntu ububi ubwaba muli ne.

2 Kolinto 12:2

Ndishibile umwalalume umo umwina Klistu uwo bapintile kumulu. Palipitile imyaka ikumi na ine ulo mfi fyachitikile. (Tanshishibilepo kati mfi fyachitikile ulo ali mumubili wakwe nangula kuchimonwa. Lesa ewishibile.)

Loma 16:7

Muposhe umutende nakambi kuli Andilonikasi na Yuniyasi, Abayuda bananji abo twali nabo muchifungo. Mba balishibikilwe ukwinekantu kubatumwa. Ulo nshilachetekela mba bali kale abena Klistu.

Loma 16:3

Natuma umutende kuli Pulisila na Akwila, abapyungi bananji mumulimo waku Klistu.

Loma 5:16

Echo paliba ubupusano pakati kabupe bwaku Lesa nokubifya kwamuntu ngulya. Echo ulo muntu abifishe muku umo, Lesa amupingwile uwabifya. Nomba panuma yamabifyo ayenji kwayisa ichabupe chaku Lesa ichakubona abantu nga abalungama.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Efeso 1:1

Nine Paulo umutumwa waku Klistu Yesu uwasalwa kukufwaya kwaku Lesa. Nkolemba kalata nji kubantu abaku Lesa abali ku Efeso abachetekela muli Klistu Yesu.