Loma 7:7 - Chipangano Chabwangu

⁷ Nomba chindo twakusosa? Napo ifunde bubi? Nangu panini! Nomba ifunde elyanenga nebo ukwishiba ububi. Pakuti nga tanshayishibilepo ububi bwamufimbila nga ifunde talyasosele ati, “Wilokukumbwapo.”

Loma 7:7 Referans Kwoze

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

1 Kolinto 15:56

Ulubola lwamfwa kubifya, nefiso fyakubifya fyafuma ku Mafunde ngalya.

Loma 13:9

Amafunde akoti, “Wilokuchita buchende, wiyipaya, wilokwiba, wilokukumbwa,” namafunde aambi ayashalako, alisoswa mukwipifya mwifunde limo ndi ilikoti, “Ulokutemwa umunobe kubati nimfilya wayitemwa wemwine.”

Loma 7:8

Pamulandu waku ndi ifunde ububi bwalisangile ishuko lyakwimya muli nebo umufimbila. Nga takupo ifunde ekwebati takupo nobubi.

1 Tesalonika 4:5

Teyalunkumbwapo kubati benafyalo abashamwishibapo Lesa.

Loma 3:5

Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

Efeso 5:3

Epo muli bantu baku Lesa, ubulale-lale, ubusali nangula bukabundulu tafilingile nokusoswapo pakati kenu.

Loma 7:13

Napo nchi chikoyalula ukuti chandetele imfwa? Iyowo, nangu panini! Ububi ebwanjipeye mukubomfya ichintu nchi ukuti ububi buboneke ifyo bwaba. Echo mwifunde ububi bulabipisha ukwinekantu.

Loma 7:11

Echo ububi bwasangile ishuko kwifunde, epo ukupitila mwifunde bwalimbepele nokunjipaya.

Loma 7:5

Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.

Loma 6:15

Mba findo nomba? Napo tutwalilile ukubifya pantu tatukotungululwapo na Mafunde kuntu ubwanshi bwaku Lesa? Nangu panini!

Loma 4:1

Mba findo twakusosa nefyakwa Abulahamu, ichokolwe chesu fwe Bayuda? Mba findo ena asambilile munjikalo yakwe?

Imilimo ya batumwa 20:33

Tanshakumbwapo indalama nangu fyakufwala fyamuntu nangu umo iyowo.

Luka 12:15

Epo Yesu alipitilile ukusosa kuli bonse ati, “Chenjeleni, elo muyitalamushe kufyalunkumbwa fyonse, pantu ubumi bwamuntu tabusangwapo mufintu akwata, nangu abe nobuboni ubwinji.”

Mateyo 5:28

Nomba nkomweba ati, umuntu onse uwalolesha umwanakashi nokumukumbwa, ekweba ati achita nakwe kale ubuchende mumutima wakwe.

Luka 20:16

Akwisa kubepaya bonse nokupela ibala kubalimi bambi.” Ulo abantu baumfwile nchi, basosele ati, “Iyowo, tefyopo!”

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Hebele 7:19

Pakuti Amafunde akwa Mosesi tayawamishepo umuntu nangu umo, kuntu muchifulo chamafunde nga tuli nokulindilila ukwachilapo. Elo nokulindila nku chichetekelo ichitupalamika kuli Lesa.