Loma 3:5 - Chipangano Chabwangu

⁵ Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

Loma 3:5 Referans Kwoze

Loma 6:19

Nimupela ichelusho nchi ichabusha icho mwayishiba ukuti mumfwikishe. Akale mwayipele mwenka ukuba abasha bwafikowesha nobubi bonse. Mushila imo yenka, mwipele nomba ukupyungila Lesa mukuchita ifiweme ifilanga ukuyipelesha kuli Ye.

Galatiya 3:15

Mwe bawesu, nkobomfya ichakubwenako ichanshiku shonse. Nga abantu babili baumfwana nokusuminishanya pachintu chimo, tapapo nangu umo uwingonaula nangu ukulundapo iyowo.

1 Kolinto 9:8

Mwati nkososa mfi kumano abantunse? Napo Amafunde taasosapo fyenka?

Loma 7:7

Nomba chindo twakusosa? Napo ifunde bubi? Nangu panini! Nomba ifunde elyanenga nebo ukwishiba ububi. Pakuti nga tanshayishibilepo ububi bwamufimbila nga ifunde talyasosele ati, “Wilokukumbwapo.”

Loma 4:1

Mba findo twakusosa nefyakwa Abulahamu, ichokolwe chesu fwe Bayuda? Mba findo ena asambilile munjikalo yakwe?

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

Ukufisulula 18:20

Ulokusekelela wemulu pamulandu wakonaulwa kwauko! Sekeleni mwe bantu baku Lesa, abatumwa nabasoseshi bonse pakuti Lesa nomba awonaula ngu mushi pamulandu wamfilya wachitile kuli mwebo!

Ukufisulula 15:3

Balikwimba ulwimbo lwakwa Mosesi umupyungi waku Lesa, nolwimbo ulwa Mwana wambelele ati, “Bashikulu Lesa Uwafiso fyonse, imilimo yenu ikulu nakambi yakushimbwisha. Ishila shenu shalilungama nakambi shachine, mwe Imfumu yamitundu yonse iyabantu.

1 Kolinto 15:32

Nga ulo nalwishishe ifiswango mu Efeso, findo nasangilemo nga nalikukonka amalangulushi abantu bwaka? Nomba nga abafwa tabakabukepo tulokuchita kubati ifyo basosa ati, “Natulye nokunwa, pakuti mailo twakufwa.”

Loma 12:19

Mwe batemwekwa, mwilandulapo ichibi kumuntu pakuti Lesa eye akumuchusha mubukali bwakwe. Chili kubati nimfilya Amalembo asosa ati, “Balekeni, ninebo nakubalandula. Nakubachusha, efyo asosa shikulu Lesa.”

Loma 6:1

Mba findo twakusosa nomba? Napo twakutwalilila ukubifya ukuti ubwanshi bwaku Lesa bufulileko?

Loma 3:19

Nomba tulishibile ukuti fyonse ifisosa Amafunde fisosa kuli bo abatungululwa na Mafunde pakuti bekwatapo akabepesho. Elo Lesa akubapingula bwino.

Loma 3:7

Umo kuti asosa ati, “Nga ubufi bwanji bukolanga ichine chaku Lesa nokumuletela ubuleme, mba nindo bakompingula nga imbifi?”

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

Loma 8:31

Muli mfi fyonse, mba findo twingasosapo? Nga Lesa ali nafwebo, mba ninani uwakutubukila?

Loma 9:30

Nomba findo twakusosa? Abenafyalo tabalikufwayilisha ubulungami bwaku Lesa, kuntu Lesa alibabona nga abalungama ukupitila mukuchetekela kwabo.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Kolinto 7:11

Boneni ifyo insoni shenu ishifuma kuli Lesa ifyo shamuchitila: Shamupela ukuchinchila, ukushininkisha ukwebati tamukwetepo umulandu, ukunyeka imitima nomwenso uukulu. Shamupela ukufunga ukumbona, ukufwayilisha ukungafwilisha, elo nokupela umulandu abachita ifibi. Pali fyonse mfi, pali ukushininkisha ukwebati tamwabifishepo iyowo.

Galatiya 2:18

Nga nabwelela mukuyimaka chipya-chipya icho naonawile, nkolanga ukwebati nine mpula-mafunde.